პრეზიდენტი ქორწინების განსაზღვრაზე: მრჩებოდა შთაბეჭდილება, რომ ეს წინასაარჩევო კამპანიის გარკვეული შტრიხი იყო

2016-11-08 23:04:39, 823 ნახვა

პოლიტიკა

მაშინაც მრჩებოდა შთაბეჭდილება, რომ ეს წინასაარჩევო კამპანიის გარკვეული შტრიხია და ნაწილია, - ასე აფასებს საქართველოს პრეზიდენტი გიორგი მარგველაშვილი "ქართული ოცნების" ინიციატივას, რომლის მიხედვითაც კონსტიტუციაში ქორწინება უნდა განისაზღვროს, როგორც ქალისა და მამაკაცის ერთობა.

პრეზიდენტის განცხადებით, ამ ჩანაწერში ჰომოფობიური ტენდეციები არ იკვეთება, წინააღმდეგ შემთხვევაში სამოქალაქო კოდექსში არსებული მსგავსი ჩანაწერიც ჰომოფობიურია.

„მაშინაც მრჩებოდა შთაბეჭდილება, რომ ეს წინასაარჩევო კამპანიის გარკვეული შტრიხია და ნაწილია, რადგან ასეთი ჩანაწერი უკვე არსებობს სამოქალაქო კოდექსში. თუმცა ეს იყო ქართული ოცნებისსაარჩევნო დაპირება. შესაბამისად მიმაჩნია, რომ მათ უკვე აქვთ ვალდებულება და ეს ვალდებულება უნდა შეუსრულოს ამომრჩეველს,“ - განაცხადა გიორგი მარგველაშვილმა გადაცემა "არჩევანში".

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან