|
2016-11-04 17:55:10, 1967 ნახვა
ეკონომიკა
თბილისის აეროპორტის რეაბილიტირებული შუქ-ტექნიკური სისტემა ექსპლუატაციაში შევიდა
თბილისის საერთაშორისო აეროპორტის ასაფრენ-დასაფრენი ზოლის და სამიმოსვლო ბილიკების რეაბილიტირებული შუქ-ტექნიკური სისტემა ოფიციალურად შევიდა ექსპლუატაციაში. ამის შესახებ "ექსპრენიუსს" ეკონომიკის სამინისტროდან აცნობეს. უწყების ინფორმაციით, საქართველოს მთავარი აეროპორტის შუქ-ტექნიკური სისტემა ეკონომიკის სამინისტროს შპს “საქაერონავიგაციამ” ჩეხური კომპანიის თვითმფრინავ-ლაბორატორიას შეამოწმებინა. საფრენოსნო შემოწმება გულისხმობს ობიექტის შემოფრენას სპეციალურად აღჭურვილი თვითმფრინავით, რომელიც აგროვებს მონაცემებს მისი გამართულად მუშაობის შესახებ. საფრენოსნო შემოწმების აღნიშნული წესები და სტანდარტები საერთაშორისო სამოქალაქო ავიაციის ორგანიზაციის (ICAO) მიერ არის დადგენილი. ჩეხური კომპანია Air Navigation Service of Czech Republic-ის საფრენოსნო შემოწმება შპს „საქაერონავიგაციას” მისცემს შესაძლებლობას, მოახდინოს ნებისმიერი ტექნიკური ხარვეზის პრევენცია და ამით შეინარჩუნოს ფრენების უსაფრთხოების მაღალი დონე საქართველოს საჰაერო სივრცეში. შეგახსენებთ, რომ შუქ-ტექნიკური სისტემის რეაბილიტაციის პროექტის ფარგლებში, არსებული, პირველი კატეგორიის განათების სისტემა შეიცვალა თანამედროვე, საერთაშორისო სტანდარტის შესაბამისი სანათებით. შედეგად, დღეისათვის შოთა რუსთაველის სახელობის თბილისის საერთაშორისო აეროპორტს ICAO-ს მეორე კატეგორიის, უახლესი განათების სისტემა აქვს, რომელიც კიდევ უფრო აამაღლებს ფრენების უსაფრთხოების დონეს საქართველოში და საშუალებას მისცემს აეროპორტს დაბალი ხილვადობის და არასასურველი მეტეოროლოგიური პირობების შემთხვევაში უპრობლემოდ მიიღოს საჰაერო ხომალდები.
ზელენსკი: უკრაინის ყოფნა ევროკავშირში სრულფასოვანი უნდა იყოს
ივანკა ტრამპზე თავდასხმის მომზადების ბრალდებით ირანის IRGC-ს გაწვრთნილი ტერორისტი დააკავეს
სუს-ის უფროსის ყოფილ მოადგილეს, ლევან ახობაძეს პატიმრობა შეეფარდა
სუს-ის თანამშრომელი საკუთარ ავტომანქანაში, თავისივე ცეცხლსასროლი იარაღით მიყენებული ჭრილობით გარდაცვლილი იპოვეს
|
რედაქტორის რჩევით
რატომ იყენებს სიტყვა „რეჟიმს“ კრიტიკული მედია და როგორ ებრძვის ივანიშვილის ხელისუფლება ტერმინებს
რა მოხდა კოპენჰაგენში რაზეც კობახიძე და სამთავრობო მედია დარდობს
ომი უკრაინაში
უკრაინა თავის ჩრდილოეთ რეგიონებს ბელორუსიიდან შესაძლო შეტევისგან თავდაცვისთვის ამზადებს.
უკრაინამ განაცხადა რუსული დრონების სასწავლო ცენტრის და 65 კურსანტის განადგურების შესახებ
ვიდეო/LIVE პატრიარქის ილია მეორის დაკრძალვა - პირდაპირი
რატომ იყენებს სიტყვა „რეჟიმს“ კრიტიკული მედია და როგორ ებრძვის ივანიშვილის ხელისუფლება ტერმინებს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)