იუსტიციის უმაღლესი სკოლა იურიდიული ფაკულტეტისა და სამართლის სკოლის სტუდენტებისთვის  საჯარო ლექციების ჩატარებას აგრძელებს.  ღონისძიება   საქართველოს 11 წამყვან უმაღლეს სასწავლებელთან  გასულ წელს გაფორმებული მემორანდუმის ფარგლებში ტარდება.

საჯარო ლექციის მიზანს, იურიდიული განათლების ხარისხის ზრდა წარმოადგენს, რომელიც თავის მხრივ  როგორც თეორიულ, ასევე პრაქტიკულ სწავლებას მოიცავს.

საჯარო ლექციაზე დამსწრე სტუდენტების მაღალი ინტერესიდან გამომდინარე, იუსტიციის უმაღლესმა სკოლამ დანერგა სიახლე, რომლის ფარგლებშიც უწყების ოფიციალურ ვებგვერდზე -  www. hsoj.ge და Facebook გვერდზე ლექციების ტრანსლირება ონლაინ რეჟიმში განხორციელდება.

ზემოაღნიშნული ინიციატივის ფარგლებში, 20 მარტს 15:30 საათზე, მართლმსაჯულების სახლში, უზენაესი სასამართლოს თავმჯდომარის პირველი მოადგილე; საქართველოს უზენაესი სასამართლოს სისხლის სამართლის საქმეთა პალატის თავმჯდომარე ბატონი ზაზა მეიშვილი, იურიდიული ფაკულტეტისა და სამართლის სკოლის სტუდენტებისთვის გამართავს საჯარო ლექციას  თემაზე - „ნაფიც მსაჯულთა ინსტიტუტი.“

საჯარო ლექციას დაესწრებიან:  თბილისის სახელმწიფო უნივერსიტეტის, სოხუმის სახელმწიფო უნივერსიტეტის, ილიას სახელმწიფო უნივერსიტეტის, თავისუფალი უნივერსიტეტის, შავი ზღვის საერთაშორისო უნივერსიტეტის, ქართულ-ამერიკული უნივერსიტეტის, საქართველოს ტექნიკური უნივერსიტეტის, საქართველოს უნივერისტეტის, კავკასიის უნივერსიტეტის, გრიგოლ რობაქიძის სახელობის უნივერსიტეტისა და საქართველოს საზოგადოებრივ საქმეთა ინსტიტუტის სტუდენტები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყაზახეთმა ქვეყანაში „გაზპრომის“ აქტივების ჩამორთმევის ნებართვა გასცა უკრაინის მიერ შეტანილი 1.4 მილიარდი დოლარის ოდენობის სარჩელის შემდეგ

ისწავლე საქართველოს ბანკის ნიკა გუჯეჯიანის სახელობის სტიპენდიით ახლა უკვე მადრიდში

ComCom ტერმინების გამო ფორმულას კანონის დარღვევას კვლავ ედავება

ლევან ხაბეიშვილს 2 წლითა და 6 თვით, მურთაზ ზოდელავას კი 9 თვით პატიმრობა მიესაჯა