ესტონეთის საგარეო საქმეთა მინისტრი, იურგენ ლიგი მოხარულია ევროკავშირის საბჭოს მიერ მიღებული გადაწყვეტილებით, საქართველოსთვის უვიზო რეჟიმის მინიჭებასთან დაკავშირებით, - ამის შესახებ ესტონური გავლენიანი გამოცემა „პოსტიმეესი" წერს.

სტატიაში გაშუქებულია ესტონეთის ახლადდანიშნული საგარეო საქმეთა მინისტრის იურგენ ლიგის ვიზიტი ლიტვაში, სადაც მან საქართველოს შესახებაც ისაუბრა და ევროკავშირის წევრი ქვეყნების მუდმივი წარმომადგენლების გადაწყვეტილებას გამოეხმაურა.  

„ამ გადაწყვეტილებამ აჩვენა, რომ ევროკავშირის ყველა წევრი სახელმწიფო მხარს უჭერს საქართველოს. იმედი მაქვს, რომ საქართველო უვიზოდ მიმოსვლას ძალიან სწრაფად მიიღებს", - განაცხადა ესტონეთის საგარეო საქმეთა მინისტრმა.

ესტონეთისა და ლიტვის საგარეო საქმეთა მინისტრებმა ასევე განიხილეს ევროკავშირისა და აღმოსავლეთ პარტნიორობის ქვეყნების თანამშრომლობის  და მათთვის რეფორმების გატარების კუთხით ხელშეწყობის საკითხები. „აღმოსავლეთ პარტნიორობა ევროკავშირის საგარეო პოლიტიკის მნიშვნელოვანი ნაწილია. ესტონეთი ევროკავშირის საბჭოს თავმჯდომარეობის პერიოდში, აპირებს განავითაროს ურთიერთობები აღმოსავლეთ პარტნიორობის ქვეყნებთან", - განაცხადა ესტონეთის საგარეო საქმეთა მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს