თუ სირიაში კონფლიქტი გაგრძელდება, ექსტრემისტებმა შესაძლოა, რუსეთის ქალაქებში ტერაქტები განახორციელონ, - ამის შესახებ ამერიკის შეერთებული შტატების სახელმწიფო დეპარტამენტის ოფიციალურმა წარმომადენელმა ჯონ კირბიმ განაცხადა.

მისი განცხადებით, ამ ყველაფრის შედეგად რუსეთი გააგრძელებს სამშობლოში სამხედროების ცხედრების გაგზავნასა და რესურსის დაკარგვას. მან აქვე აღნიშნა, რომ სტაბილურობა, რომელსაც, ისინი [რუსები] სირიაში ეძებენ, სულ უფრო წარმოსახვითი იქნება”.

“შედეგი იქნება ის, რომ სირიაში სამოქალაქო ომი გაგრძელდება [თუ შეთანხმება არ შედგება], ექსრემისტები გააგრძელებენ მათი ოპერაციების გაფართოებას, რომლებიც რუსეთის ინტერესების წინააღმდეგ, შესაძლოა, რუსეთის ქალაქებში თავდასხმებს გულისხმობს, რუსეთი კი გააგრძელებს სამშობლოში სამხედროების ცხედრების გაგზავნასა და რესურსის დაკარგვას. სტაბილურობა, რომელსაც, მათი თქმით, ისინი სირიაში ეძებენ, სულ უფრო წარმოსახვითი იქნება”, - განაცხადა ჯონ კირბიმ.

აშშ-ის სახელმწიფო დეპარტამენტის ოფიციალურის წარმომადენლის განცხადებას რუსეთის საგარეო საქმეთა სამინისტროს ოფიციალურის წარმომადგენელი მარია ზახაროვა გამოეხმაურა, რომელმაც აღნიშნა, რომ ჯონ კირბის განცხადება რუსეთში ტერაქტების შესახებ მოწოდებას ჰგავდა. მისი თქმით, ის გამორციხავს, რომ რომ ტერაქტების განხორციელებას ზომიერი ოპოზიციის წარმომადგენლები შეეცდებიან, რომლებთანაც ვაშინგტონი თანამშრომლობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პენტაგონმა განაცხადა, რომ უკრაინამ რუსეთისთვის Starlink-ის დაბლოკვის შემდეგ თავისი ტერიტორიები დაუბრუნა

აშშ-მ უკრაინისთვის Hawk-ის საჰაერო თავდაცვის სისტემის აღჭურვილობისა და მომსახურების მიყიდვა დაამტკიცა

ტრამპი რუსეთის საზღვარზე დამატებით 5000 ამერიკელ ჯარისკაცს გაგზავნის

ტრამპი აშშ-ის წარმომადგენელს პუტინის ეკონომიკურ ფორუმზე სანქტ-პეტერბურგში გაგზავნის