გიორგი მარგველაშვილი საკუთარი უფლებების შესახებ ინფორმაციას არც პრეზიდეტად არჩევამდე ფლობდა და არც ახლა ფლობს, - ასე უპასუხა საქართველოს ყოფილმა პრემიერ-მინისტრის ბიძინა ივანიშვილის ჟურნალისტს, რომელმაც აღნიშნა, რომ  პრეზიდენტად არჩევამდე მოსახლეობას საავადმყოფოს პრობლემის მოგვარებას დაჰპირდა.

ივანიშვილის თქმით, საპრეზიდენტო არჩევნების დასრულების შემდეგ, მარგველაშვილს ყველაფრის მართვა უნდოდა და ეს იყო პრობლემა.

“რაც შეეხება საავადმყოფოს, ცუდია და სამწუხაროა, რომ ამ რეგიონში ასეთი მდგომარეობაა. საერთო დამოკიდებულება ჯანდაცვაზე თქვენ იცით. დიდი რესურსი ბიუჯეტიდან სწორედ ამ მიმართულებით იყო დახარჯული და იხარჯება დღესაც. სერგეენკო გახლავთ ძალიან წარმატებული მინისტრი და კარგი მენეჯერი. ეტყობა რომ ყველაფერს ვერ გავწვდით.

რაც შეეხება პრეზიდენტის დაპირებებს პრეზიდენტმა არც თავში იცოდა რა უფლებები ექნებოდა და დღესაც არ ესმის საუბედუროდ და სამწუხაროდ, რომ ეს არ არის მისი სფერო. პრეზიდენტის სფერო არ არის საავადმყოფოს აშენება ან ჯანდაცვის მიხედვა. ეს მთავრობის საქმეა და თუ დარღვევაა, მთავრობას უნდა მოვთხოვოთ პასუხი. მანამდეც მქონდა საუბარი მასთან, რომ კონსტიტუცია მანამდე უნდა წაგეკითხა-მეთქი. არჩევნები რომ დამთავრდა და მოვიდა, ყველაფრის მართვა უნდოდა და ეს იყო პრობლემა", - განაცხადა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

GCCA საოჯახო კალათის პროგრამაში შემავალი საბაზისო პროდუქტების საინფორმაციო პორტალს ქმნის

დიდი შვიდეულიდან ბრიტანეთი პირველი ქვეყანაა, რომელმაც სპარსეთის ქვეყნებთან გრძელვადიანი სავაჭრო შეთანხმებას მიაღწია

WSJ: ისრაელი საიდუმლო ჯგუფს ქმნის 7 ოქტომბრის თავდამსხმელების დასაჭერად

მერცმა უკრაინას ევროკავშირში „ასოცირებული“ წევრობის სტატუსი შესთავაზა