რუსეთის თავდაცვის სამინისტრომ მასშტაბური სამხედრო წვრთნის "კავკასია-2016"-ის დაგეგმვისა და ჩატარებისას გაითვალისწინა პარალელურად მიმდინარე ქართულ-ამერიკული სამხედრო სწვალება, - ამის შესახებ, "რია ნოვოსტი" რუსეთის გენშტაბის უფროსზე, გენერალ ვალერი გერასიმოვზე დაყრდნობით იუწყება. 

"რა თქმა უნდა, ჩვენ გავითვალისწინეთ ამერიკულ-ქართული სწავლება, რომელშიც 1500-მდე სამხედრო მონაწილეობდა. ჩვენ მათი მოქმედებები გავითვალისწინეთ", - აღნიშნა გერასიმოვმა.

მედია საშუალების ცნობით, რუსეთის შეიარაღებული ძალების სტრატეგიული წვრთნა "კავკასია-2016" 5-10 სექტემბერს სამხრეთის სამხედრო ოლქის ტერიტორიაზე გაიმართა. სწავლებაში 120 ათასზე მეტი ჯარისკაცი მონაწილეობდა. მანევრები ოკუპირებული აფხაზეთისა და ე.წ. სამხრეთ ოსეთის, ასევე ანექსირებული ყირიმის ტერიტორიაზე ჩატარდა. 

გერასიმოვის თქმით, "კავკასია-2016" გეგმიური წვრთნა იყო და არ ყოფილა მიმართული უკრაინის წინააღმდეგ.

შეგახსენებთ, რომ საქართველოში მრავალეროვნული სამხედრო წვრთნა Agile Spirit 2016 1-9 სექტემბერს ჩატარდა. სწავლებაში ექვსი ქვეყნის სამხედროები მონაწილეობდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შეავსე განაცხადი 2026 წლის მასწავლებლის ეროვნულ ჯილდოზე - პროექტის მხარდამჭერი საქართველოს ბანკია

მართვის მოწმობის მიღების წესებში ცვლილებები შევიდა

სირია 1975 წლის შემდეგ პირველად, მონაწილეობას მიიღებს G7-ის სამიტში მოწვეული ქვეყნის სტატუსით

უკრაინა თავის ჩრდილოეთ რეგიონებს ბელორუსიიდან შესაძლო შეტევისგან თავდაცვისთვის ამზადებს.