პრეზიდენტმა გიორგი მარგველაშვილმა  საქართველოსა და საფრანგეთის რესპუბლიკას შორის  თვადცავის სფეროში ორმხრივი ურთიერთობის გაღრმავებაში შეტანილი მნიშვნელოვანი წვლილისათვის საფრანგეთის რესპუბლიკის თავდაცვის მინისტრი  ჟან-ივ ლე  დრიანი  ოქროს საწმისი ორდენით დააჯილდოვა.

 გიორგი მარგველაშვილის განცხადებით, საფრანგეთი საქართველოს ევროატლანტიკური ინტეგრაციის მტკიცე მხარდამჭერი და ძლიერი პარტნიორია.

„მნიშვნელოვანია მათი მხარდაჭერა თავდაცვის უნარიანობის განმტკიცების კუთხით. მათი ურყევი მხარდაჭერით ხორციელდება ის მნიშვნელოვანი პროექტები, რომლებიც აძლიერებს ჩვენი ქვეყნის უსაფრთხოებას“,-განაცხადა საქართველოს პრეზიდენტმა.

საფარნგეთის თავდაცვის მინისტრმა გიორგი მარგველაშვილს მადლობა გადაუხადა.

„აღელვებული ვარ ასეთი პატივით. მე როგორც თავდაცვის მინისტრი ვაცნობიერებ, რომ სამხედრო თანამშრომლობა ამ ორ ქვეყანას შორის ამ ჟესტით პატივმიგებულია და არის მომავალი  წლების სტიმულაცია. არსებულ გამოწვევბთან საბრძოლველად   თბილისმა და საფრანგეთმა ერთად უნდა მიიღონ გადაწყვეტილებები, არ მავიწყდება, რომ იასონი და არგონავტები სწორედ საქართველოში ჩამოვიდნენ ოქროს საწმისის  წასაღებად. არ მაქვს პრეტენზია, რომ ამ ლეგენდაში შევალ, მაგრამ ის სამი დღე რაც აქ გავატარე ჩემს მეხსიერებაში მუდამ დარჩება“,-აღნიშნა საფრანგეთის თავდაცვის მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა