საქართველოს ყოფილი პრემიერ-მინისტრის ბიძინა ივანიშვილის  განცხადებით,  "რესპუბლიკური პარტიის" წევრებმა ნათელმხილველობა დაიწყეს, რადგან  კუბლაშვილი-ვაშაძე-კაციტაძის  გაერთიანებაში მის ინტერესზე საუბრობენ.

როგორც ივანიშვილმა GDS-ის ახალ გადაცემაში განაცხადა, დავით უსუფაშვილი კუბლაშვილის მეგობარია და რამდენჯერმე ივანიშვილს უთხრა კიდეც, რომ "ნაციონალური მოძრაობის" დატოვებას აპირებდა:

"ამაზე ბუნებრივი გაერთიანება ვერ კი წარმომიდგენია.როგორ შეიძლება კუბლაშვილი-ვაშაძე-კაციტაძის  გაერთიანება იყოს არაბუნებრივი. გამყრელიძემ პოლიტიკა დატოვა მხოლოდ იმ ნიშნით, რომ ლამის მთელმა საზოგადოებამ გაიგო, რომ ახალი მემარჯვენეები იყვნენ ფსევდო ოპოზიციური აპრტია და ეს იყო "ნაციონალური მოძრაობის" შემადგენელი ნაწილი. იქიდან ერთადერთი დღეს დარჩა "ლეიბორისტული პარტია", "ქრისტიან დემოკრატიულმაც" ნახა, რომ ყველა საფუზველი გამოეცალა, ნათელაშვილს წასასვლელი არსად არ ჰქონდა, რადგან მაგაზე კომპომატები აქვთ უამრავი და დღესაც ამუშავებენ მაგას ისევ "ნაციონალები". კაციტაძეც იყო "ნაციონალური მოძრაობის"  წევრი ჩვეულებრივად.ამაზე ბუნებრივი გაერთიანება რა შიძლებოდა რომ ყოფილიყო. ასევე კარგად  გაირკვა ბურჭულაძეზე. რას ნიშნავს არაბუნებრიობა. საკაშვილთან უკრაინაში რამდენჯერ ჩასულა და ძირითადად იქ დადის ეს კაცი. ფოტოები გამოქვეყნდა სააკაშვილთან ჩახუტებული. 3 წელიწადია არ მინახავს ეგ კაცი, ნაწყენი ვარ, რომ არ დავმალო, რადგან თავის დროზე, როცა ვთხოვე, რომ გვერდით დაგვიდექით, უამრავი ფული მოითხოვა და შეურაცხმყოფელი იყო მაშინ, რომ არ მივეცით, იმის შემდგომ დაბადების დღის 60 წლისთავი 3-ჯერ გადაიხადა, 3 წლის განმავლობაში იხდიდა, არც ერთხელ მივსულვარ. ნათელმხილველობას თუარ დაიწყებენ "რესპუბლილები" და ახალ უბედურებას არ გადაეყრებიან, კარგი იქნება.

მემგონი იმას ცდილობენ, რომ ოპონენტად გამომიყენონ. ალბათ, ამაზე უნდათ განცხადება დაწერონ, სასამართლოში შეიტანონ და ასე შემდგომ. ამის არც დრო მაქვს და არც სურვილი. კარგი იქნება, თუ "რესპუბლიკელები" ახალ უბედურებას არ გადაეყრებიან, ახლა ძალიან ემოციურები არიან. უსუფაშვილი ძალიან ახლო მეგობარია კუბლაშვილის, 2-ჯერ თუ სამჯერაა ჩემთან მოსული, რომ კუბლაშვილს უნდა გამოსვლა "ნაციონალური მოძრაობიდანო". ძალიან კარგია-მეთქი, რაც შეიძლება მხარს დავუჭერ-მეთქი. დავუჭირე კიდეც. განცხადება გავაკეთე, ლამის ვაჟკაცობად ჩავუთვალე, რომ მოახერხა და დატოვა "ნაციონალური  მოძრაობა" და ასე მეგონა თავის დროზე. თუ რამე სათქმელი აქვს გამოფინოს.უსუფაშვილის მიმართ პირადი წყენა არ მაქვს, ღმერთმა დამიფაროს. ძალიან პატარა კაცების როლში გადავიდნენ, რომ ასეთ რაღაცებს ყვებიან. არმინდა, პატარა კაცებად გამოჩნდნენ, მოვუწოდებდი, რომ ღირსებას ნუ დაკარგავენ",-განაცხადა ბიძინა ივანიშვილმა და დასძინა, რომ დავით ბაქრაძეს "ნაციონალური მოძრაობის" დატოვებას სთხოვდა:

"ბაქრაძეზე ყველაზე მეტი მცდელობები მქონდა, რომ დატოვე "ნაციონალური მოძრაობა"-მეთქი. მეგონა, უფრო მოწესრიგებული კაცი იყო. სტრასბურგში შევხდი მთელი საათი ვაწვებოდი, არა გრცხვენია, რას ამბობ, ამდენს რომ ცრუობ, ადექი გამოდი",-აღნიშნა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა