"ენერგეტიკის მიმართულებით არის ძალიან მნიშვნელოვანი ინვესტიციები, არც ერთი ინვესტორი ქვეყნიდან  არ გასულა“,-ამის შესახებ ენერგეტიკისა და ბუნებრივი რესურსების მინისტრმა კახი  კალაძემ „რუსთავი 2“-ის კითხვაზე საპასუხოდ განაცხადა, რომელიც თბილისში რამდენიმე ბრენდული კომპანიის მიერ საქართველოს ბაზრის დატოვებას ეხებოდა.

მინისტრის მტკიცებით, ყველა მსხვილი პროექტი, რომლის განხორციელებაც  დაწყებული იყო, გრძელდება.

„ნაციონალურ მოძრაობას" არ აინტერესებს  რეალობაში რა ხდება, მათთვის რეალური იყო მხოლოდ ის ვირტუალური საქართველო, რომელიც მათი ტელევიზიების საშუალებით, მათი ბინძური პროპაგანდის საშუალებით იყო შექმნილი 9 წლის განმავლობაში. არ მინდოდა საუბარი 9 წელზე, მაგრამ მიხდება მაინც საუბარი. ამიტომ რაც შეიძლება ითქვას ამ მიმართულებით არის ის, რომ  რეგიონში არის რთული მდგომარეობა, მომავალში კიდევ უფრო გაიზრდება ინვესტიციები, დაარწმუნებული ვარ, ჩვენ გვაქვს ამ კუთხით ძალიან სწორი მიდგომა. ჩვენი მხრიდან იქნება ხელშეწყობა, იმისთვის, რომ საქართველოში მეტი ინვესტიციები განხორციელდეს. ენერგეტიკის მიმართულებით არის ძალიან მნიშვნელოვანი ინვესტიციები, არც ერთი ინვესტორი არ გასულა. ყველა მსხვილი პროექტი, რაც დაწყებული იყო გრძელდება. იწყება ახალი პროექტები, და სხვა ბევრი საინტერესო პროექტები“,-განაცხადა  კახი კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძემ აღიარა რომ მისი გუნდის წარმომადგენლები სიძულვილის ენას იყენებენ

კობახიძე დიუშენის სინდრომის მქონე ბავშვებზე - სადაც შემოდის ჭარბად პოლიტიკური ელემენტი, რთულდება რაციონალური გადაწყვეტილებების მიღება

უკრაინამ განაცხადა რუსული დრონების სასწავლო ცენტრის და 65 კურსანტის განადგურების შესახებ

უკრაინამ მოითხოვა, რომ რუსეთს ჩამოერთვას გაეროს უშიშროების საბჭოში მუდმივი წევრობის უფლება მშვიდობიან მოსახლეობაზე თავდასხმების გამო