ტაჯიკელი გულმუროდ ხალიმოვი “ისლამური სახელმწიფოს" ახალი საველე მეთაური გახდა, - ამის შესახებ ტელეკომპანია Alsumaria ერაყის უსაფრთხოების სამსახურზე დაყრდნობით იუწყება.

მედია საშუალების ინფორმაციით, ხალიმოვმა დაჯგუფებაში აბუ ომარ ალ-შიშანის, იგივე თარხან ბათირაშვილის ადგილი დაიკავა.

როგორც ტელეკომპანია იტყობინება, ხალიმოვი, იგივე ალ-ტაჯიკი, ტაჯიკეთის შინაგან საქმეთა სამინისტროს სპეცდანიშნულების რაზმს ხელმძღვანელობდა. ის “ისლამურ სახელმწიფოს” 2015 წლის აპრილში შეუერთდა.

ცნობისთვის, ტაჯიკეთში ხალიმოვს სახელმწიფო ღალატში დასდეს ბრალი, მასზე ძებნაა გამოცხადებული.

2015 წელს ალ-ტაჯიკი აშშ-მა “შავ სიაში” შეიყვანა. ვაშინგტონს ალ-ტაჯიკის ადგილსამყოფელის შესახებ ინფორმაციის სანაცვლოდ 3 მილიონი დოლარის ოდენობის ჯილდო აქვს დაწესებული.

შეგახსენებთ, რომ “ისლამურ სახელმწიფოსთან” დაახლოებულმა სააგენტო Amaq-მა თარხან ბათირაშვილის იგივე ალ-შიშანის გარდაცვალების შესახებ ინფორმაცია ივლისში გაავრცელა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებული ძალების თავდასხმების გამო, პუტინმა რუსეთში საზოგადოებრივი გადაადგილება სრულად შეაჩერა

რუსეთში ვარდები და მიხაკები გაძვირდება სომხეთიდან ყვავილების იმპორტის აკრძალვის გამო

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები