თბილისის მერმა დავით ნარმანიამ მაიაკოვსკის ბაღის სარეაბილიტაციო სამუშაოები დაათვალიერა.

როგორც "ექსპრესნიუსს" თბილისის მერიიდან აცნობეს, ბაღში ქვაფენილი დაიგო, ბორდიურები მოეწყო, შადრევანი განახლდა და მრავალწლოვან ხეებს სხვლა-ფორმირება ჩაუტარდა.

დიდუბის რაიონის გამგეობამ ბაღში ასევე საბავშვო გასართობი კუთხე მოაწყო. იწყება რულონური გაზონის დაგება. 

„მაიაკოვსკის ბაღის აღდგენა ამ წლის გაზაფხულზე დავიწყეთ. მოსახლეობა დიდი ხნის განმავლობაში ელოდებოდა ამ პროექტის განხორციელებას. სკვერი აღდგება მთლიანად, ეწყობა მწვანე საფარი, ბავშვებისთვის სათამაშო მოედანი, რომელიც თითქმის დასრულებულია, კეთდება ასევე სარწყავი სისტემა. შემოდგომისთვის აქ დაირგვება მცენარეები. უახლოეს ორ კვირაში დასრულდება ყველა ძირითადი სამუშაო“, - განაცხადა დავით ნარმანიამ.

ცნობისთვის, სკვერის რეაბილიტაციისათვის 480 ათასი ლარი დაიხარჯება და სამუშაოები 15 სექტემბერს დასრულდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის