სოფლის მეურნეობის მინისტრის მოადგილე იური ნოზაძე, სოფლის მეურნეობისსამინისტროს სამეცნიერო-კვლევითი ცენტრის დირექტორი ლევან უჯმაჯურიძე და ღვინის ეროვნული სააგენტოს დირექტორი გიორგი სამანიშვილი ჩინეთის სახალხო რესპუბლიკის ნინსიას პროვინციის მეღვინეობა-მევენახეობის საერთაშორისო ფედერაციის გენერალურ დირექტორს, ჩაო კაილონგის და აზიის მეღვინეობის ინსტიტუტის პრეზიდენტს ტომი ლემს შეხვდნენ.

შეხვედრაზე ორ ქვეყანას შორის მეღვინეობა-მევენახეობის დარგის მიმართულებით დაწყებული თანამშრომლობის საკითხები განიხილეს. 

მინისტრის მოადგილემ აღნიშნული თანამშრომლობის მნიშვნელობაზე გაამახვილა ყურადღება და აღნიშნა, რომ ჩინეთის სახალხო რესპუბლიკაში ქართული ღვინის ექსპორტის მზარდი დინამიკაა. 
ნინსიას პროვინციის მეღვინეობა-მევენახეობის საერთაშორისო ფედერაციის გენერალურმა დირექტორის, ჩაო კაილონგის განცხადებით, მევენახეობა-მეღვინეობის მიმართულებით ჩინეთისთვის საქართველო ერთ-ერთი მნიშვნელოვანი პარტნიორი ქვეყანაა. 

სოფლის მეურნეობის სამეცნიერო-კვლევითი ცენტრის დირექტორმა, ლევან უჯმაჯურიძემ პროგრამის „სარტყელი და გზა“ ფარგლებში გათვალისწინებული სამომავლო თანამშრომლობის საკითხებზე ისაუბრა და ქართული ვაზის ჯიშთა მრავალფეროვნების მნიშვნელობაზე გაამახვილა ყურადღება. შეხვედრაზე მხარეებმა ქართული ვაზის სადემონსტრაციო ნაკვეთის მოწყობის ერთობლივი სურვილი გამოთქვეს და მხარი დაუჭირეს მევენახეობა-მეღვინეობის სფეროში ერთობლივ სამეცნიერო-პრაქტიკულ პროექტებს. ქართული ვაზისა და ღვინის პოპულარიზაციის მიზნით კი დაიგეგმა ჩინეთში ქართული მუზეუმის გახსნა და საერთაშორისო კონფერენციის ჩატარება. 
​
ვიზიტის ფარგლებში, დელეგაციის წევრებმა, ღვინის ეროვნულ სააგენტოში სააგენტოს ხელმძღვანელთან გიორგი სამანიშვილთან ერთად, ღვინის ეროვნული სააგენტოს ენოთეკა, მარანი და ღვინის მუზეუმი დაათვალიერეს. 

ვიზიტის დასასრულს დელეგაციის წევრები სოფლის მეურნეობის სამინისტროს სამეცნიერო-კვლევითი ცენტრის სოფელ ჯიღაურას მრავალწლოვანი კულტურების საკვლევ ბაზას ესტუმრნენ, ბაზაზე განთავსებული ქართული ვაზის საკოლექციო ვენახი დაათვალიერეს და ქართული ღვინო დააგემოვნეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

WSJ: ისრაელი საიდუმლო ჯგუფს ქმნის 7 ოქტომბრის თავდამსხმელების დასაჭერად

მერცმა უკრაინას ევროკავშირში „ასოცირებული“ წევრობის სტატუსი შესთავაზა

თიბისი The Banker’s Technology Awards 2026-ის გამარჯვებულია

უკრაინულმა დრონებმა სამარის რეგიონში ნავთობგადამამუშავებელ ქარხანას დაარტყეს, ორი ადამიანი დაიღუპა