პრემიერის განცხადებით გახარებული დავრჩი, ასეთი გადაწყვეტილება მართლაც უპრეცედენტო ნაბიჯად შეიძლება ჩაითვალოს ქართულ პოლიტიკაში“,-ამის შესახებ მთაწმინის მაჟორიტარი დეპუტატობის დამოუკიდებელი დეპუტატი სალომე ზურაბიშვილი Facebook-ის საკუთარ გვერდზე წერს.

როგორც ზურაბიშვილი აღნიშნავს, „სრულიად ახალი მიდგომა“ მის მიმართ დამაიმედებლი და ამავდროულად საპასუხისმგებლოა.

„რომ ვთქვა, არ ველოდებოდი ოცნების გადაწყვეტილებას, მაშინ თქვენთან მთლად გულწრფელი არ ვიქნებოდი ...იმის შემდეგ რაც ჩემი გეგმები გავუზიარე პრემიერს, ასეთ გადაწყვეტილების იმედიც და მოლოდინიც მქონდა , თუნდაც მარტივ ლოგიკიდან გამომდინრე და სწორ გათვლის შედეგად. თუმცა გარანტია არ არსებობდა იმისი, რომ ოცნება თავისი ალტერნატიულ კანდიდატურას არ დააყენებდა პირველივე ტურზე, როგორც ბუნებრივია პარტიულ ცხოვრებაში.

პრემიერის განცხადებით ძალიან გახარებული დავრჩი და არა მხოლოდ ჩემი პირადი მიზნებიდან გამომდინარე. ასეთი გადაწყვეტილება მართლაც უპრეცედენტო ნაბიჯად ჩაითვლება ქართულ პოლიტიკაში : პარტია დამოუკიდებელ და ზოგჯერ საკმაოდ კრიტიკულ და ყოველთვის თავისუფალ პიროვნებას " უთმობდეს" ბრძოლის ველს, ნამდვილად სიახლეა ქართულ ცნობიერებაში და აქამდე დამკვიდრებულ პოსტ საბჭოთა ცნობირებაში. მეორე უმნიშვნელოვანესი ფაკტორი მდგომარეობს იმაში, რომ ამ ნაბიჯის გამართლება მე კი არ ვარ და ჩემი წარსული თუ გამოცდილება, არამედ ქართული ემიგრაცია. ძალიან ვამაყომ იმით, რომ მის წარმომადგენლად ასეთი ფორმით მაღიარეს .... პირველად ამ ნაბიჯით ემიგრაციის ინტერესების, უფლებების და პოლიტიკური წონის აღიარება მოხდა, სხვა პარტიების სრულ დუმილის ფონზე. 
ესეთი სრულიად ახალი მიდგომა ჩემთის დამაიმედებელია და ამავდროულად ყველაზე საპასუხისგებლო“,-წერს ზურაბიშვილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინაში დააკავეს მართლმადიდებელი მღვდელი, რომელიც რუს ოკუპანტებს რაკეტების დარტყმის სამიზნეებს აძლევდა

პაპუაშვილი - 26 მაისის საპროტესტო აქცია რადიკალური ოპოზიციისთვის სიკვდილით დასჯად იქცა

პროკურატურამ საბავშვო ბაღში ბავშვის ცემაში ეჭვმიტანილ მასწავლებელს ბრალდება წარუდგინა

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო