საბურთალოს რაიონის გამგეობის თანადაფინანსებული პროექტების განყოფილებამ კანდელაკის N8-ბ კორპუსში სართულშუა ნაპრალების ამოვსების პროექტი დააფინანსა. როგორც "ექსპრესნიუსს" თბილისის მერიიდან აცნობეს, კორპუსი ორსადარბაზოიანია და ნაპრალების რეაბილიტაცია სრულად განხორციელდა, რისთვისაც გამგეობამ 35,429 ლარი გამოყო.

დასრულებული სამუშაოები საბურთალოს რაიონის გამგებლის მოადგილეებმა გაიოზ ვასაძემ, ლუკა კანკავამ და თანადაფინანსებული პროექტების განყოფილების უფროსმა ვლადიმერ კაპანაძემ დაათვალიერა.

„პროექტის დაფინანსების მოთხოვნით, კანდელაკის N8ბ კორპუსის ამხანაგობამ გამგეობას რამდენიმე თვის წინ მიმართა. ადგილობრივები წუხდნენ, რომ  სართულებს შორის არსებული ნაპრალების გამო, ნალექიანი ამინდისას, ბინებში წყალი შედიოდა, რაც დროთა განმავლობაში შენობის მდგრადობას მნიშვნელოვან ზიანს მიაყენებდა. ნაპრალების დროული რეაბილიტაცია კი კორპუსს,ავარიულობისაგან დაიცავს,“ - განმარტავს გამგებლის მოადგილე გაიოზ ვასაძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისში დიდი საპროტესტო მსვლელობა მიმდინარეობს

სებ: ბრიტანეთის სანქციებში მითითებული სუბიექტები ეროვნული ბანკის მიერ რეგულირებული არ არიან

ბრიტანეთმა 3 საქართველოში რეგისტრირებულ კომპანიას შეზღუდვები დაუწესა

საქართველოს ბანკის გზავნილი ემიგრანტებს დამოუკიდებლობის დღესთან დაკავშირებით