ექსპერტი პოლიტიკის საკითხებში გია ხუხაშვილი „ექსპრესნიუსთან“ საუბრისას პარტია „ცენტრისტების“ მიერ გავრცელებული ვიდეოკლიპის თემას ეხმაურება და აცხადებს, რომ ბედუკაძის ვიდეოკლიპზე აჟიოტაჟის ატეხვით უფრო არეკლამებენ „ცენტრისტებს“, ვიდრე  აზიანებენ.

„ამხელა წივილ-კივილი და ამხელა აჟიოტაჟი, რაღაც სისულელეზე, არ არის გამართლებული. ამით „ცენტრისტებს“ უფრო არეკლამებენ, ვიდრე აზიანებენ. ვის რაში დაკარგვია ბედუკაძე.  დიდმა და პატარამ ისე დაიწყო ლაპარაკი, თითქოს, ქვეყანაში რაიმე მნიშვნელოვანი ხდებოდეს, სინამდვილეში არაფერიც არ ხდება. ბუნებრივია, „ცენტრისტების“ კლიპი ეთერიდან ჩუმად უნდა ჩაეხსნათ და ამით ყველაფერი დამთავრდებოდა. რეალურად, ამ აჟიოტაჟით „ცენტრისტების“ ძალიან მიზერული რეიტინგი ოდნავ მაღლა აწიეს. ბედუკაძე დღეს ციხეში უნდა იჯდეს სასტიკი დანაშაულის გამო და კბილაშვილმა დაუსაბუთებლად გაათავისუფლა ის. ახლა კიდევ ზედმეტ ყურადღებას ვაქცევთ და ვიღაცისთვის ბედუკაძე გმირი გამოვა“, - აცხადებს ხუხაშვილი.

შეგახსენებთ, რომ ლადო ბედუკაძის და ნიკოლოზ ხაჩიშვილის პარტია ”ცენტრისტები” ამომრჩეველს 400-ლარიან რუსულ პენსიას, საქართველოში რუსული ჯარის დაკანონებას და რუსეთთან ორმაგ მოქალაქეობას ჰპირდება. აღნიშნული საარჩევნო კლიპი ”საზოგადოებრივი მაუწყებლის” ეთერში გავიდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინაში დააკავეს მართლმადიდებელი მღვდელი, რომელიც რუს ოკუპანტებს რაკეტების დარტყმის სამიზნეებს აძლევდა

პაპუაშვილი - 26 მაისის საპროტესტო აქცია რადიკალური ოპოზიციისთვის სიკვდილით დასჯად იქცა

პროკურატურამ საბავშვო ბაღში ბავშვის ცემაში ეჭვმიტანილ მასწავლებელს ბრალდება წარუდგინა

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო