გორის რაიონში “ნაციონალური მოძრაობის” დეპუტატობის კანდიდატი ბადრი  ბასიშვილი პარტიის წევრებს შორის უთანხმოებას უარყოფს.

მედიაში გავრცელებული ინფორმაციით, "ნაციონალური მოძრაობის"  გორის ოფისში მინებია ჩამსხვრეული, რაც, სავარაუდოდ, პარტიის წევრებს შორის მომხდარ დაპირისპირებას უკავშირდება.

როგორც ბასიშვილმა "ექსპრესნიუსს" განუცხადა, პარტიის წევრებს შორის არანაირი დაპირისპირება არაა.

მისივე განმარტებით, რამოდენიმე თვის წინ, "ქართული ოცნების"  აქტივისტებმა ოფისს საღებავები შეასხეს, მინები ჩაამსხვრიეს და ახლა სწორედ ამ მინებს ცვლიდნენ:

"ეს არის "ქართული ოცნებისა" და სუს-ის მიერ გავრცელებული დეზინფორმაცია.  რამოდენიმე თვის წინ,  "ქართული ოცნების" აქტივისტები ჩვენს ოფისში მოვარდნენ, საღებავები შეასხეს, რამოდენიმე მინაც იყო ჩამსხვერეული.სავარაუდოდ, ამ მინების გამოცვლას უკავშირდებოდა გუშინდელი დღე და არანაირ ექსცესებს  ადგილი არ ჰქონია. ჩვენ მაშინ გადავეცით პოლიციას აღნიშნულის შესახებ,  რომ მინები ჩაგვიმსხვრიეს, მაგრამ  არანაირი რეაგირება არ ყოფილა.  არც მინები ჩაგვსვეს, არც არავინ მისცეს პასუხისგებაში. წინასაარჩევნო პერიოდია და ფასადის შეღებვაც გვინდა და მინების გამოცვლაც. ისეთი კარგი ჰარმონიაა, ჩვენ ვაპირებთ გამაჯრვებას. არანარი დაპირისპირება პარტიის წევრებს შორის არ მომხდარა",-განუცხადა "ექსპრესნიუსს"  ბადრი ბასიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინაში დააკავეს მართლმადიდებელი მღვდელი, რომელიც რუს ოკუპანტებს რაკეტების დარტყმის სამიზნეებს აძლევდა

პაპუაშვილი - 26 მაისის საპროტესტო აქცია რადიკალური ოპოზიციისთვის სიკვდილით დასჯად იქცა

პროკურატურამ საბავშვო ბაღში ბავშვის ცემაში ეჭვმიტანილ მასწავლებელს ბრალდება წარუდგინა

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო