თბილისის მერია და „თბილისის სატრანსპორტო კომპანია“ კუს ტბის საბაგირო გზის რეაბილიტაციას სექტემბრის პირველ ნახევარში დაასრულებს. 

თბილისის მერიის ინფორმაციით, სულ მალე ჭავჭავაძის გამზირიდან კუს ტბაზე მოხვედრა 6 წუთში იქნება შესაძლებელი.

მათივე ცნობით,  რამდენიმე თვეა კუს ტბის საბაგიროს რეაბილიტაცია ინტენსიურ რეჟიმში მიმდინარეობს.

სამუშაოებს  თბილისის მერი დავით ნარმანია მოადგილეებთან - გიგა ნიკოლეიშვილთან და ირაკლი ლექვინაძესთან,  „თბილისის სატრანსპორტო კომპანიის“ გენერალურ დირექტორთან, ნუგზარ ჭეიშვილთან, თბილისის მერიის ტრანსპორტის საქალაქო სამსახურის უფროსთან, მამუკა მუმლაძესთან და ვაკის რაიონის გამგებელთან, ნოდარ ტურძელაძესთან ერთად ადგილზე გაეცნო და კონტრაქტორ კომპანიას კონკრეტული დავალებები მისცა.

მშენებლობას  კომპანია „ბაგირმშენი“ ახორციელებს. საბაგიროს ორივე (ქვედა და ზედა) შენობაში ინტენსიური სარემონტო სამუშაოები ტარდება. ამ ეტაპზე შეიცვალა გამწევი ბაგირი. დამონტაჟდა საბაგირო გზის მართვის თანამედროვე პულტი.

კუს ტბის საბაგირო გზაზე თბილისელებს და დედაქალაქის სტუმრებს  ორი გონდოლა მოემსახურება. თითო გონდოლით 10-12 ადამიანი შეძლებს მგზავრობას, მათ შორის,  ერთი მუდმივი გამცილებელი. გონდოლები შეზღუდული შესაძლებლობის პირთათვის ადაპტირებული იქნება. ველოსიპედის მოყვარულთათვის კი სპეციალური ველო-საკიდებია დამონტაჟებული. გონდოლები კაპიტალურად გარემონტდა, თუმცა ძველი იერსახე შეუნარჩუნდა.

კუს ტბის საბაგირო გზა გახსნამდე სატესტო რეჟიმში ამუშავდება და კონტროლს საქართველოს ეკონომიკის სამინისტროს ტექნიკური და სამშენებლო ზედამხედველობის სამსახური გაუწევს. სექტემბრის პირველ ნახევარში კი საბაგირო გზა ოფიციალურად გაიხსნება და დღის განმავლობაში საშუალოდ 2000-მდე მგზავრს მოემსახურება. კუს ტბის საბაგირო ზაფხულის თვეებში  დილის 08:00 საათიდან ღამის 00:00 საათამდე იმუშავებს, ზამთარში კი დილის 08:00-0 საათიდან ღამის 10:00 საათამდე.

კუს ტბის საბაგირო გზის რეაბილიტაციისთვის დედაქალაქის ბიუჯეტიდან 1 100 000 ლარი დაიხარჯება.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Euractiv: ევროკავშირს სურს მოლაპარაკებების დაწყება უკრაინის 18 ივნისის სამიტში ჩართვასთან დაკავშირებით.

გვარამია: ხალხისთვის ხელის შეშლას არ ვაპირებთ, როცა დაიშლებიან, მოვახდენთ სცენის მონტაჟს

NATO-ს სამეკავშირეო ოფისი: ვუერთდებით ქართველ ხალხს საქართველოს დამოუკიდებლობის დღის აღნიშვნაში

გერმანიის ელჩი: 26 მაისი სიმბოლურად გამოხატავს საქართველოს სწრაფვას თავისუფლებისა და დემოკრატიისკენ