კრისტინა აგილერას კონცერტისთვის მატარებლის სპეც-რეისი დაინიშნა

2016-07-27 16:27:28, 808 ნახვა

საზოგადოება

30 ივლისს შეკვეთილის საკონცერტო დარბაზს, „ბლექ სი არენას" მსოფლიო დონის პოპ ვარსკვლავის ქრისტინა აგილერას შოუ-კონცერტი გახსნის.

როგორც "ბლექ სი არენას" საზოგადოებასთან ურთიერთბის სამსახურიდან "ექსპრესნიუსს" აცნობეს, კონცერზე დასწრების მსურველთა მოთხოვნით და რეგიონის მიმართ გაზრდილი ინტერესის გათვალისწინებით საქართველოს რკინიგზამ მიიღო გადაწყვეტილება დაინიშნოს დამატებითი რეისი 30 ივლისს თბილისი-ბათუმი-თბილისის მიმართულებით.

აღნიშნული ფაქტი საშუალებას მისცემს საზოგადოებას კონცერტის დღეს ესტუმროს შავი ზღვის სანაპიროს.

ბილეთების შეძენა შეუძლია ნებისმიერ მსურველს.

სპეც-რეისის განრიგი შემდეგია:

„Black Sea Arena"-ზე კრისტინა აგილერას კონცერტზე დასწრების მსურველთათვის თბილისიდან დამატებითი (#856/855) მატარებელი დაინიშნა. 4 ვაგონიანი ელექტრომატარებელი ორივე მიმართულებით 300-300 მგზავრს გადაიყვანს.

მატარებელი თბილისის ცენტრალური ვაგზლიდან გავა 30 ივლისს 10:25, ურეკში ჩავა 14:51.
მატარებელი ურეკიდან გამოვა 31 ივლისს 02:00 და ქ. თბილისში ჩამოვა 06:10.
აღნიშნულ მატარებლებს გაჩერებები ქობულეთსა და ბათუმშიც ექნებათ.