პრეზიდენტის თანამდებობისთვის შესაფერისი ქმედებები აბსოლუტურად სხვა უნდა ყოფილყო და არა ის, რომ გიორგი პაპუაშვილის უადგილო და ანგაჟირებული განცხადება გაეზიარებინა, - ამის შესახებ ფრაქცია „ქართული ოცნების“ თავმჯდომარემ გია ვოლსკიმ ჟურნალისტებს განუცხადა.

მისივე თქმით, პაპუაშვილზე ზეწოლასთან დაკავშირებით, პრეზიდენტის მწუხარების გაზიარება შეუფერებელი ქმედებაა.

„მწუხარების გაზიარებასავით გამოვიდა, რომ პრეზიდენტის ოჯახის წევრზე ზეწოლა მოხდა და ვფიქრობ, ეს თანამდებობისთვის შეუფერებელი განცხადებაა. პრეზიდენტსა და გიორგი პაპუაშვილს ჯერ კიდევ თავიანთ განცხადებებამდე ევალებოდათ, რომ პროკურატურასთვის მიემართათ. პაპუაშვილმა განაცხადა, რომ ადრე, თურმე, პროკურატურას მიმართა და ვერანაირ შედეგი ვერ მიიღო. როგორც ირკვევა არანაირი მიმართვა პაპუაშვილს არ ქონია. ვფიქრობ, რომ პაპუაშვილის განცხადებები პოლიტიკურად ანგაჟირებულია. ასეე ვფიქრობ, პრეზიდენტს დაუფიქრებლად მოუვიდა ამ განცხადების გაკეთება“, - განაცხადა ვოლსკიმ და აღნიშნა, რომ ყველაფრის მიუხედავად, გამოძიებამ ყველა კითხვას მკაფიო პასუხი უნდა გასცეს.

შეგახსენებთ, რომ საქართველოს პრეზიდენტმა გიორგი მარგველაშვილმა ოჯახის წევრზე მომხდარი ზეწოლის ფაქტზე გუშინ განცხადება გააკეთა. როგორც პრეზიდენტმა აღნიშნა, მისი ოჯახის წევრის სახლში სამართალდამცველებმა ყოველგვარი სასამართლოს დადგენილების გარეშე ჩხრეკა ჩაატარეს, რაც ზეწოლის მცდელობაზე მიანიშნებდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის