საქართველოს  იუსტიციის სამინისტროს სსიპ „დანაშაულის პრევენციის ცენტრისა“ და თბილისის მერიის ერთობლივი შეთანხმებით, 500 ყოფილი პატიმარი ერთი წლის განმავლობაში მუნიციპალური ტრანსპორტით უფასოდ ისარგებლებს.

როგორც "ექსპრესნიუსს" დანაშაულის პრევენციის ცენტრიდან აცნობეს,  ეს შეღავათი შეეხებათ მხოლოდ „ყოფილ პატიმართა რეაბილიტაციისა და რესოციალიზაციის პროგრამაში“ ჩართულ ბენეფიციარებს.

იუსტიციის სამინისტროს სსიპ „დანაშაულის პრევენციის ცენტრის“ დირექტორის ჯონი კვინიკაძის განცხადებით, ამ პროგრამის ეფექტურად განხორციელებისთვის, ცენტრი აქტიურად თანამშრომლობს როგორც სახელმწიფო უწყებებთან, ისე კერძო სექტორის წარმომადგენლებთან. „მათ შორის ყველაზე გამორჩეულია დედაქალაქის მერია, რომელსაც განსაკუთრებული წვლილი შეაქვს ყოფილ პატიმართა რეაბილიტაციის პროცესში“, აღნიშნა დანაშაულის პრევენციის ცენტრის დირექტორმა.

„ყოფილ პატიმართა რეაბილიტაციისა და რესოციალიზაციის პროგრამა“ სსიპ „დანაშაულის პრევენციის ცენტრის“ ერთ-ერთი პრიორიტეტია. პროგრამის ფარგლებში, სხვა მომსახურებებთან ერთად, ხდება ყოფილ პატიმართა ფიზიკური და ფსიქიკური ჯანმრთელობის პრობლემების მოგვარება, პროფესიული გადამზადება და პროგრამის წარმატებული მონაწილეების დასაქმების ხელშეწყობა. ეს არის პირველი სახელმწიფო პროგრამა ყოფილ პატიმართა დასახმარებლად. მისი მიზანია სასჯელაღსრულების დაწესებულებებიდან გათავისუფლებული პირების რეაბილიტაციის ხელშეწყობა, მათი დაბრუნება საზოგადოების სრულუფლებიან წევრებად.   

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა