თბილისი (BPI) – საქართველოს ბიზნესმენთა ფედერაციის განცხადებას, ავრცელებს, რომელშიც ნათქვამია, რომ ვანო ჩხარტიშვილის ფედერაციის კუთვნილი უძრავი ქონების მითვისებაში ადანაშაულებს.

ფედერაცია განმარტავს, რომ ველა კანონიერი საშუალებით გააგრძელებს ბრძოლას და დაიბრუნებს მის კუთვნილ ქონებას.

“საქართველოს ბიზნესმენთა ფედერაცია წარმოადგენს თითქმის ოცი წლის წინ შექმნილი გადამხდელთა კავშირის უფლებამონაცვლეს და აერთიანებს რამოდენიმე ათეულ წარმატებულ ბიზნესჯგუფს, ასეულობით იურიდიულ პირს და კერძო მეწარმეს. დაფუძნების პირველი დღიდან ფედერაციის მთავარ ფუნქციას ბიზნეს გარემოს გაუმჯობესება და გადასახადის თითოეული გადამხდელის უფლებების დაცვა წარმოადგენს.

ფედერაცია თავის საქმიანობას მისი წევრების საწევრო შენატანებით შეძენილ შენობაში ახორციელებდა, რომელიც თბილისში, გერგეთის ქუჩა N3-ში მდებარეობს. 2008 წელს, იმ დაპირებით, რომ ფედერაცია უკეთეს შენობაში გააგრძელებდა საქმიანობას, ვანო ჩხარტიშვილმა, საკუთარი კომპანიის მეშვეობით და ფედერაციის აღმასრულებელ დირექტორთან გიორგი ისაკაძესთან შეთანხმებით (რომელიც ამავდროულად ჩხარტიშვილის კომპანიის ერთ-ერთი თანამოწილეც იყო), მიისაკუთრა ფედერაციის შენობა, ფედერაციისთვის სანაცვლო ქონების გადაცემის გარეშე. ამისათვის კი მან გიორგი ისაკაძესთან დადებული კაბალური, ფედერაციისთვის საზიანო ხელშეკრულება გამოიყენა, თუმცა ამ კაბალური ხელშეკრულების პირობებიც კი არ შეასრულა. შედეგად, ფედერაციამ დაკარგა კუთვნილი ქონება და უფრო მეტიც, ჩხარტიშვილისა და ისაკაძის კომპანიის ქმედებათა გამო, ფედერაციას წარმოეშვა დიდი ოდენობით საგადასახადო ვალდებულება, რომლის არსებობა დიდი ხნის მანძილზე უცნობი იყო ფედერაციის აღმასრულებელი საბჭოს წევრებისთვის კი.

დღეისთვის ვანო ჩხარტიშვილი კვლავ დაპატრონებულია შენობას და მიუხედავად იმისა, რომ ბიზნესმენთა ფედერაციის ახალმა ხელმძღვანელობამ არაერთხელ მიმართა გამოეჩინა კეთილგონიერება და შენობა დაებრუნებინა ფედერაციისთვის, ჩხარტიშვილი უარს აცხადებს ფედერაციის სრულიად კანონიერი მოთხოვნის შესრულებაზე. ბიზნესმენთა ფედერაციამ სარჩელით მიმართა სასამართლოს და ამჟამად დავა განხილვის პროცესშია.

ფედერაციის ინფორმაციით, ვანო ჩხარტიშვილი ცდილობს შენობის არამართლზომიერი გზებით მასთანვე დაკავშირებულ, ფორმალურად სხვა პირზე გასხვისებას და კეთილსინდისიერი შემძენის იმიტაციის შექმნის გზით ფედერაციის დარღვეული უფლებების აღდგენისათვის ხელშეშლას. გვსურს, საზოგადოებამ იცოდეს, რომ ფედერაცია ყველა კანონიერი საშუალებით გააგრძელებს ბრძოლას და დაიბრუნებს მის კუთვნილ ქონებას. მოვუწოდებთ ყველა იურიდულ თუ კერძო პირს თავი შეიკავოს თბილისში, გერგეთის ქუჩა N3-ში მდებარე ქონებასთან დაკავშირებით, ვანო ჩხარტიშვილთან ან მასთან დაკავშირებულ პირებთან თუ კომპანიებთან, რაიმე სახის გარიგების დადებისაგან, რადგან ეს ქონება ვანო ჩხარტიშვილის მიერ უკანონოდ, მოტყუების გზით არის მითვისებული”, – ნათქვამია განცხადებაში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარკო რუბიო - ჩვენ ვდგავართ ქართველი ხალხის გვერდით მდგრადი უსაფრთხოების, თავისუფლებისა და დამოუკიდებლობისკენ მათ სწრაფვაში

ხორვატია, ბულგარეთი და სერბეთი საქართველოს დამოუკიდებლობის დღეს ულოცავენ

ჩინეთის პრემიერი ლი ციანი - ჩინეთ-საქართველოს სტრატეგიული პარტნიორობა კარგად ვითარდება

ერდოღანი - ვულოცავთ ქართველ ხალხს, მეზობელი და მეგობარი საქართველოს დამოუკიდებლობის დღეს