საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანია მესტიის მუნიციპალიტეტში წყლის გამწმენდ ნაგებობას და დამხმარე ინფრასტრუქტურას აშენებს. 

რეგიონული განვითარებისა და ინფრასტრუქტურის სამინისტროს ინფორმაციით, მიმდინარე სამუშაოები,  კომპანიის დირექტორმა გიორგი კობერიძემ, ადგილობრივი ხელისუფლების წარმომადგენლებთან ერთად დაათვალიერა და ობიექტზე არსებულ ვითარებას გაეცნო.

უწყების ინფორმაციით, პროექტის ფარგლებში აშენდება  წყლის გამწმენდი ნაგებობა,  2 ახალი რეზერვუარი და წყლის მაგისტრალური მილსადენი.

პროექტის ღირებულება, აზიის განვითარების ბანკის დაფინანსებით, 21 მილიონ ლარზე მეტია.  სამუშაოები  2016 წლის დეკემბერში დასრულდება.  

მესტიის მოსახლეობის ნაწილს, წლების განმავლობაში, წყალი გრაფიკით მიეწოდებოდა. პროექტის დასრულების შემდეგ, მესტიაში მცხოვრები 1000-მდე ოჯახი და ჩასული ტურისტები  24 საათიანი წყალმომარაგებით იქნებიან უზრუნველყოფილნი. პროექტის ფარგლებში 100-მდე ადგილობრივი მოსახლე დასაქმდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი დათანხმდა გამდიდრებული ურანი ჩინეთში გაიტანოს

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა