საქართველოს შეიარაღებული ძალების გენერალურ შტაბში წინასწარი დაგეგმვის კონფერენცია გაიმართა.

როგორც „ექსპრესნიუსს“ თავდაცვის სამინისტროდან აცნობეს, შეხვედრის მიზანი საქართველოში 10-18 ნოემბრისთვის დაგეგმილი ღონისძიების მომზადებაა.

უწყების ინფორმაციით, შემოდგომაზე საქართველოში „ნატოს ოპერატიული შესაძლებლობების კონცეფციის შეფასებისა და უკუკავშირის პროგრამით (OCC E&FP)“ გათვალისწინებული შეიარაღებული ძალების სახმელეთო ჯარების აღმოსავლეთ სარდლობის მე-12 მსუბუქი ქვეითი ბატალიონის „ჩარლი“ ასეულის ნატოს პირველი დონის (NEL-1) შეფასება განხორციელდება. შეფასების ფარგლებში პირველად ჩატარდება შემფასებელთა 33-ე კურსი. შემფასებელთა კურსში მონაწილეობას მიიღებენ როგორც ნატოს წევრი, ისე პარტნიორი ქვეყნების შეიარაღებული ძალების წარმომადგენლები.

შეხვედრას შეიარაღებული ძალების გენერალური შტაბის J-7 სამხედრო განათლებისა და საბრძოლო მომზადების დეპარტამენტის, ასევე, სხვა სტრუქტურული ერთეულების წარმომადგენლები და ნატოს სხვადასხვა შტაბებიდან „ნატო-ს ოპერატიული შესაძლებლობების კონცეფციის შეფასებისა და უკუკავშირის პროგრამაზე (OCC E&FP)“ პასუხისმგებელი პირები დაესწრნენ.

აღსანიშნავია, რომ შეიარაღებული ძალების სახმელეთო ჯარების აღმოსავლეთ სარდლობის მე-12 მსუბუქი ქვეითი ბატალიონის „ალფა“ ასეული, უკვე ნატოს რეაგირების ძალების სრულფასოვანი, სერტიფიცირებული წევრია.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საგამოძიებოს ცნობით, კორუფციულ და საფინანსო-ეკონომიკურ სფეროში ჩადენილი სამი დანაშაულებრივი ფაქტი გამოავლინეს

სასამართლოს გადაწყვეტილებით, EU-ს ტრასტებში შენახული რუსული აქტივების გაყინვაც შეუძლია

ყაზახეთმა ქვეყანაში „გაზპრომის“ აქტივების ჩამორთმევის ნებართვა გასცა უკრაინის მიერ შეტანილი 1.4 მილიარდი დოლარის ოდენობის სარჩელის შემდეგ

ისწავლე საქართველოს ბანკის ნიკა გუჯეჯიანის სახელობის სტიპენდიით ახლა უკვე მადრიდში