შსს-ს მომსახურების სააგენტომ საგზაო მოძრაობის უსაფრთხოების კვირეულის ფარგლებში მედიის წარმომადგენლებს უმასპინძლა.

შინაგან საქმეთა სამინისტროს მომსახურების სააგენტო ბათუმში საგზაო მოძრაობის უსაფრთხოების კვირეულს აგრძელებს. საგზაო მოძრაობის უსაფრთხოების კამპანიის ფარგლებში, მომსახურების სააგენტომ აჭარის ადგილობრივი მედიის წარმომადგენლებს უმასპინძლა.

შეხვედრა ბათუმის მომსახურების სააგენტოს შენობაში გაიმართა. სააგენტოს თანამშრომლებმა ჟურნალისტებს საგზაო მოძრაობის უსაფრთხოების კამპანიის შესახებ ამომწურავი ინფორმაცია მიაწოდეს, ასევე, წარუდგინეს პრეზენტაცია კამპანიის ფარგლებში განხორციელებული და დაგეგმილი პროექტების შესახებ. 

მედიის წარმომადგენლებს საგზაო მოძრაობის უსაფრთხოების თემაზე მომზადებული ვიდეორგოლები უჩვენეს. ჟურნალისტებმა საგზაო მოძრაობის უსაფრთხოების კამპანიის მხარდაჭერისა და მასში მონაწილეობის სურვილი გამოთქვეს.

ჟურნალისტებმა სააგენტოს შენობა დაათვალიერეს, არსებული სერვისების შესახებ დეტალური ინფორმაცია მიიღეს, ასევე, განხორციელებულ და დაგეგმილ პროექტებს გაეცნენ. მედიის წარმომადგენლებმა მართვის მოწმობის იმიტირებული თეორიული და პრაქტიკული გამოცდაც ჩააბარეს.

შეხვედრის დასასრულს, სააგენტოს თანამშრომლებმა ჟურნალისტებს საგზაო მოძრაობის უსაფრთხოების კამპანიასთან დაკავშირებული, სიმბოლური საჩუქრები გადასცეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი დათანხმდა გამდიდრებული ურანი ჩინეთში გაიტანოს

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა