2016-07-04 17:38:25, 619 ნახვა

---

უსუფაშვილი: მომავალ პარლამენტში რამდენიმე პარტია იქნება წარმოდგენილი, მიუხედავად იმისა, ვის რა ოცნებები აქვს

„დარწმუნებული ვარ, რომ მომავალ პარლამენტში რამდენიმე პარეტია იქნება წარმოდგენილი, მიუხედავად იმისა ვის რა ოცნებები და ილუზიები აქვს პარლამენტზე“,-ამის შესახებ პარლამენტის თავმჯდომარემ დავით უსუფაშვილმა ჟურნალისტებს განუცხადა.

როგორც უსუფაშვილმა აღნიშნა, არ იცის და არ არის დარწმუნებული, იხილავს თუ არა მომავალ პარლამენტში პრორუსულ ძალებს.

„მოვესწარი ამ ქვეყანაში ცხოვრებას , როდესაც მხოლოდ პრორუსები მართავდნენ. მე დარწმუნებული ვარ, ეს აღარასოდეს დაბრუნდება. არ უნდა გამოგვივიდეს ისე, რომ საზოგადოების ნაწილი გამოვაცხადოთ დამნაშავედ, რადგან განსხვავებული აზრი აქვს. დამნაშავეებად ადამიანებს აცხადებს კანონი და პროკურორი. არ ვიცი და არ ვარ დარწმუნებული ვიხილავ თუ არა პრორუსულ ძალებს მომავალ პარლამენტში. დარწმუნებული ვარ, რომ მომავალ პარლამენტში იქნება რამდენიმე პარტია წარმოდგენილი, მიუხედავად იმისა ვის რა ოცნებები და ილუზიები აქვს ერთპარტიულ პარლამენტზე. დარწმუნებული ვარ იქნება პროდასავლური უმრავლესობა რომელიც შექმნის ასეთივე მთავრობას“, - აღნიშნა  უსუფაშვილმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი