საქართველოს პრეზიდენტის ადმინისტრაციის უფროსი გიორგი აბაშიშვილი და პრეზიდენტის მრჩეველი ვეტერანთა საკითხებში ალექსი ბარბაქაძე, ტერიტორიული მთლიანობისთვის დაღუპულ გმირთა მემორიალთან იმყოფებოდნენ და 1993 წლის 2 ივლისს დაბა ტამიშთან ბრძოლის დროს დაღუპული მეომრების ხსოვნას პატივი მიაგეს.

„1993 წლის 2 ივნისს აფხაზეთის ომის დროს მოხდა ტამიშის დესანტირება. პირველად რუსეთის შეიარაღებული ძალები ღიად ჩაერივნენ სამხედრო კონფლიქტში და რუსეთის ფლოტის მეშვეობით მოახდინეს ტამიშის მონაკვეთზე  დესანტირება.  საქართველოს სამხედრო ისტორიაში ეს მოვლენა ტამიშის დესანტის სახელით არის შესული.

დღეს, სწორედ ამ თარიღთან დაკავშირებით, საქართველოს პრეზიდენტის ადმინისტრაცია და შეიარაღებული ძალების წარმომადგენლები, მოვედით, რათა პატივი მივაგოთ იმ გმირებს, რომლებმაც თავი გასწირეს სამშობლოსათვის",- აღნიშნა ალექსი ბარბაქაძე.

ღონისძიებას ასევე ესწრებოდა საქართველოს ეროვნული უშიშროების  საბჭოს მდივანი ირინე იმერლიშვილი და

გენერალ-მაიორი ვახტანგ კაპანაძე საქართველოს შეიარაღებული ძალების გენერალური შტაბის უფროსი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი დათანხმდა გამდიდრებული ურანი ჩინეთში გაიტანოს

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა