თეთრიწყაროს რაიონში "პატრიოტთა ალიანსის" ადგილობრივი ორგანიზაციის წარმომადგენლებს თავს დაესხნენ. ამის ინფორმაციას „სამოქალაქო მრჩეველთა საზოგადოებრივი საბჭოს“ იურისტი და უფლებადამცველი მამუკა ტუსკაძე ავრცელებს.

ტუსკაძის განცხადებით ფიზიკური დაპირისპირება თეთრიწყაროს მუნიციპალიტეტის საკრებულოს თავმჯდომარის და მოჭიდავის გოჩა თედორაძის ორგანიზებული იყო და მასში საკრებულოს სხვა მაღალჩინოსნებიც იღებდნენ მონაწილეობას. დაპირისპირება თეთრიწყაროში გასულ ღამეს მოხდა:

"თეთრიწყაროში როგორც ჩანს, "ქოციონალური" და "ნაციონალური" სიტუაციაა იმიტომ, რომ საკრებულოს თავმჯდომარე გოჩა თედორაძემ, მისმა მოადგილემ, ქართული ოცნების ფრაქციის თავმჯდომარემ და კიდევ ერთმა წევრმა ,ერთ-ერთი სოფლის მაჟორიტარმა დეპუტატმა ხულიგნურად, გამომწვევად მოახერხეს პროვოკაციის მოწყობა და განახორციელეს თავდასხმა პატრიოტთა ალიანსის ადგილობრივი ორგანიზაციის თავმჯდომარეზე ნუგზარ ლიპარტელიანზე. ასევე მისი შტაბის ორ წევრზე. საკრებულოს მაღალჩინოსნები მთვრალები, წამოეწივნენ მანქანით, შეაჩერეს, სიგარეტის ნამწვი ესროლეს, გააჩერებინეს და მოხდა თავდასხმა მათზე." - განაცხადა ტუსკაძემ.

იურისტი და უფლებადამცველი მამუკა ტუსკაძე, რომელიც ცესკო-ში რეგისტრირებულ ადგილობრივ მეთვალყურე ორგანიზაციას წარმოადგენს აცხადებს, რომ იმ დროს, როდესაც პარლამენტმა წინასაარჩევნო პერიოდში ეთიკის წესები განსაზღვრა, მსგავსი ფაქტები რეაგირების გარეშე არ უნდა დარჩეს. რაც შეეხება მომხდარის მიზეზს. ტუსკაძე ამბობს, რომ საკრებულოს მაღალჩინოსნების მხრიდან განხორციელებული თავდასხმა პოლიტიკურია, ვინაიდან მისი ინფორმაციით, საკრებულოს მაღალჩინოსნების გარიზიანება პატრიოტთა ალიანსის ადგილობრივი ორგანიზაციის წარმომადგენლების მხრიდან საბიუჯეტო ხარჯების შესახებ გამოთხოვილი ინფორმაცია გახდა:

"იმის გამო, რომ რამოდენიმე დღის უკან, "პატრიოტთა ალიანსის" ადგილობრივმა ორგანიზაციამ გამოითხვა საჯარო ინფორმაციის სახით საბიუჯეტო ხარჯები თეთრიწყაროს მუნიციპალიტეტის და სწორედ ეს გახდა მიზეზი. ისეთი რაღაცეები აღმოჩნდა იქ, რომ ვითომ ამ სოფელში ეს გაკეთდა, ის გაკეთდა. ამ ყველაფრის შესახებ ხომ იცოდნენ მათ ამიტომ მოხდა ასეთი რაღაც. სწორედ ეს წაუყენეს ცემის მიზეზად, რომ მათ არ უნდა გამოეთხოვათ ინფორმაცია,მ არ უნდა დაინტერესებულიყვნენ იმით, თუ რას ხარჯავს თეთრიწყაროს მუნიციპალიტეტის საკრებულო და გამგეობა. ცემა მოხდა იმის გამო, რომ ისინი ქართული ოცნების მთავრობის წინააღმდეგ არიან დღეს და აქტიურ ოპოზიციურ საქმიანობას ეწევიან და ეს იყო მიზეზი. ეს იყო პოლიტიკური თავდასხმა. იმ ფონზე, როდესაც პარლამენტმა გუშინაც მიიღო გადაწყვეტილება იმის შესახებ, რომ წინასაარჩევნო კამპანიის დროს უნდა იყოს დასჯადი აგრესია, ამ შემთხვევაში ქართული ოცნების ადგილობრივ ლიდერებს ეს ეტყობა არ სმენიათ, ან არ უნდათ შეისმინონ. საკრებულოს თავმჯდომარე მოჭიდავე ყოფილა, რომელსაც განათლებაც კი არ აქვს და ანკეტაში პროფესიაში ჩაუწერია- მოჭიდავე." - აცხადებს ტუსკაძე.

მისი ინფორმაციით, იკითხებიან საკრებულოს მაღალჩინოსნებიც. ტუსკაძის განცხადებით, თავდაპირველად სამართალდამცველები დაზარალებულებს თეთრიწყაროს პოლიციაში კითხავდნენ, მოგვიანებით კი, კოდას განყოფილებაში გადაიყვანეს, მიზეზად კი ინტერნეტის გათიშვა დაასახელეს. ამ ფაქტს ტუსკაძე საეჭვოდ მიიჩნევს და იმედს გამოთქვამს, რომ საკრებულოს მაღალჩინოსნების დაკითხვაც კოდის განყოფილებაში მოხდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა

ლელო აშშ-ის სახელმწიფო დეპარტამენტის დელეგატებთან შეხვედრის შესახებ: „ჩვენი პოზიციები ძირითადად ემთხვევა“

პუტინმა ხელი მოაწერა კანონს, რომელიც აფართოებს რუსეთსა და ცხინვალს შორის ინტეგრაციას

დასაქმებულთა რაოდენობის კლება დიდწილად სოცდასაქმების პროგრამის გაჩერებას უკავშირდება - G&T