საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდის აღმასრულებელმა დირექტორმა ჯუანშერ ბურჭულაძემ,  ასპინძის მუნიციპალიტეტში, რაგბის სტადიონთან მისასვლელი გზის სარეაბილიტაციო სამუშაოები დაათვალიერა.

რეგიონული განვითარებისა და ინფრასტრუქტურის სამინისტროს ინფორმაციით, ასპინძაში რაგბის სტადიონამდე მისასვლელი, გრუნტის საფარიანი გზის სიგრძე 2 კმ-ზე მეტია.  გზა  წვიმიან ამინდში ტალახდება და გადაადგილების პრობლემებს უქმნის როგორც ფეხით მოსიარულეებს, ისე ავტომობილებს. 

უწყების ინფორმაციით, პროექტის ფარგლებში, გზის აღნიშნულ მონაკვეთზე დაიგება ასფალტ-ბეტონის საფარი, მოეწყობა ხელოვნური ნაგებობები, სანიაღვრე არხები და გატარდება უსაფრთხოების საჭირო ზომები.  

ობიექტზე 30 - მდე ადამიანია დასაქმებული და  სამუშაოები სრული დატვირთვით მიმდინარეობს. 

2016 წლის შემოდგომიდან მოსახლეობა, ნებისმიერ ამინდში,  დაუბრკოლებლად შეძლებს გადაადგილებას აღნიშნულ გზაზე.  პროექტი ევროპის საინვესტიციო ბანკის ფინანსური მხარდაჭერით მიმდინარეობს და მისი ღირებულება მილიონ ლარზე მეტია. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რატომ უნდა ივანიშვილი-კობახიძის დუეტს მოსახლეობის უფრო მეტად გაღატაკება

ირაკლი კობახიძე აშშ-ს სახელმწიფო დეპარტამენტის წარმომადგენლებს შეხვდა

ორ თვეში საქართველოს სანაპიროზე დაახლოებით 40 დელფინი გამოირიყა

„გახარია საქართველოსთვის“ მოსკოვსა და ცხინვალს შორის „შეთანხმების“ წინააღმდეგ რეზოლუციის ინიციატივით გამოდის