შეფასებისა და გამოცდების ეროვნული ცენტრის ინფორმაციით, აბიტურიენტებს  ერთიანი ეროვნული გამოცდებისათვის მითითებული საგნის შეცვლა 1 ივნისის ჩათვლით შეეძლებათ.

ცენტრის ინფორმაციით, ცვლილებების შეტანის შესაძლებლობა 1 ივნისის 18:00 საათამდე გაგრძელდება. ამ ეტაპის დასრულების შემდეგ საგანთა ჩამონათვალში ცვლილება ვეღარ განხორციელდება.

ამ პერიოდის განმავლობაში შესაძლებელი იქნება ენის შეცვლაც (მაგ. : ზოგადი უნარები ქართულ ენაზე შეიძლება შეიცვალოს ზოგადი უნარების გამოცდით აზერბაიჯანულ, სომხურ და ა.შ. ენებზე).

საგანმანათლებლო პროგრამებისა და უმაღლესი სასწავლებლების არჩევა თუ შეცვლა აბიტურიენტებს სააპელაციო განაცხადების მიღების დასრულებამდე შეეძლებათ.

შეფასებისა და გამოცდების ეროვნული ცენტრის ინფორმაციით, რეგისტრაცია წელს 3 ეტაპად ტარდება. რეგისტრაციის ძირითად ეტაპზე, რომელიც 9  თებერვალს დაიწყო და 15 მარტს დასრულდა, აბიტურიენტებმა პირადი მონაცემები შეიტანეს, აირჩიეს საგამოცდო ქალაქი და მიუთითეს  ჩასაბარებელი საგნები. წელს, პირველად აბიტურიენტებს ეძლევათ შესაძლებლობა საგამოცდო ბარათები ნებისმიერ ხელმისაწვდომ კომპიუტერზე, პირადი გვერდიდან (გვერდი, სადაც აბიტურიენტი ირჩევს გამოცდებს, ნახულობს შედეგებს) ამობეჭდონ.

ცნობისთვის, 2016  წელს გამოცდები ნაწილობრივ  ელექრონული ფორმატით ჩატარდება -  ფორმატის ცვლილება მხოლოდ ტესტის (და არა პასუხების ფურცლის) ელექტრონულად მიწოდებას ითვალისწინებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი