ქ. ბერნში, შვეიცარიის კონფედერაციაში საქართველოს საელჩოს ორგანიზებით გაიმართა საქართველოს დამოუკიდებლობის აღდგენის 25 წლისთავისადმი მიძღვნილი ოფიციალური მიღება.
 
დამსწრე საზოგადოებას მისასალმებელი სიტყვით მიმართეს შვეიცარიის კონფედერაციასა და ლიხტენშტაინის სამთავროში საქართველოს ელჩმა, ირაკლი ყურაშვილმა და შვეიცარიის ეროვნული საბჭოს თავმჯდომარემ, კრისტა მარკვალდერმა. გამომსვლელებმა მიმოიხილეს ორ ქვეყანას შორის არსებული ორმხრივი და მრავალმხრივი თანამშრომლობის მნიშვნელოვანი ასპექტები. შვეიცარიის ეროვნული საბჭოს თავმჯდომარემ თავის გამოსვლაში აღნიშნა, რომ ის ძალზე მოხარულია, რომ მიმდინარე წლის 5-6 სექტემბერს, პირველად, ოფიციალური ვიზიტით ეწვევა საქართველოს და მიიჩნევს, რომ ორმხრივი და მრავალმხრივი თანამშრომლობა მომავალში კიდევ უფრო გამყარდება ამ ვიზიტის შემდეგ.
 
მიღებაზე საელჩოს მიერ მოწვეულ იქნა ახალგაზრდა ქართველი პიანისტი, ალექსანდრე ჯულაყიძე, რომელმაც შეასრულა კლასიკური მუსიკის ცნობილი ნაწარმოებები.
 
ოფიციალური მიღების დარბაზში დამსწრე საზოგადოებამ დააგემოვნა ქართული ღვინო და სამზარეულო, ასევე დაურიგდათ ტურისტული ბროშურები.
 
მიღებას ესწრებოდნენ შვეიცარიის კონფედერაციის აღმასრულებელი და საკანონმდებლო ხელისუფლების, ბერნში აკრედიტებული დიპლომატიური კორპუსის, კანტონების, ბიზნესისა და სამეცნიერო წრეების, შვეიცარიული პრესისა და ქართული დიასპორის წარმომადგენლები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი