სოფლის მეურნეობის სამინისტროში კენკროვანი კულტურების წარმოებისა და განვითარების საკითხზე იმსჯელეს.

უწყების ინფორმაციით, შეხვედრას  სოფლის მეურნეობის მინისტრის მოადგილეები ლევან დავითაშვილი, იური ნოზაძე, დავით გალეგაშვილი და გოჩა ცოფურაშვილი ესწრებოდნენ.

 „საქართველოს კენკროვანი კულტურების წარმოების  დიდი პოტენციალი გააჩნია.  აღნიშნულ სურსათზე  საკმაოდ მზარდია მოთხოვნა  საერთაშორისო ბაზრებზე და მნიშვნელოვანია ამ კუთხით სხვა ქვეყნების გამოცდილების გაზიარებაც“, -განაცხადა სოფლის მეურნეობის მინისტრის მოადგილემ  გოჩა ცოფურაშვილმა.

სოფლის მეურნეობის სამინისტროს   სოფლის მეურნეობისა და სურსათის დეპარტამენტის უფროსმა თენგიზ კალანდაძემ საქართველოში კენკროვანი კულტურების განვითარების  პერსპექტივებზე პრეზენტაცია  წარმოადგინა და საქართველოს რეგიონებში არსებულ პოტენციალზე დეტალურად ისაუბრა.

სოფლის მეურნეობის სამინისტროში გამართულ შეხვედრას  პოლონეთის სეიმის დეპუტატი წევრი ტომაშ მაკოვსკი ესწრებოდა, რომელმაც საკუთარი ქვეყნის გამოცდილებაზე ისაუბრა.

აღსანიშნავია, რომ კენკროვანი კულტურების განვითარების მიმართულებით პოლონეთი ერთ-ერთი წარმატებული ქვეყანაა. 

შეხვედრას ასევე გორის რაიონის გამგებელი დავით ონიაშვილი, დარგში დასაქმებული მეწარმეები, კოოპერატივების წევრები  და საერთაშორისო ორგანიზაციების წარმომადგენლები  ესწრებოდნენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს