ქანდაკება ქართული ჩოხით - ბრიუსელი საქართველოს დამოუკიდებლობის დღეს ორიგინალურად ულოცავს

2016-05-26 17:06:10, 1127 ნახვა

საზოგადოება

ბელგიის დედაქალაქში, საქართველოს დამოუკიდებლობის დღე ორიგინალურად მიულოცეს. ბრიუსელის სიმბოლო - ბიჭუნას მინაიტურული ქანდაკება დღეს ქართულ ჩოხაში იყო შემოსილი.

ფაქტის ამსახველი მასალა საზოგადოებრივი მაუწყებლის ჟურნალისტმა ქეთი ქარდავამ გაავრცელა.

ქართულ ჩოხაში ჩაცმულ ბიჭუნასთან ბელგიის მოქალაქეები და ბრიუსელის ვიზიტორები მიდიოდნენ და ფოტოებს უღებდნენ. ამ ფორმით აღინიშნა ბრიუსელში საქართველოს დამოუკიდებლობის აღდგენიდან 25 წლისთავი.

ცნობისთვის, ბიჭუნა ბრიუსელის სიმბოლოდ არის აღიარებული, მას სხვადასხვა ქვეყნების ეროვნულ დღესასწაულებზე სხვადასხვა ქვეყნის ეროვნულ სამოსს აცმევენ და ამ ფორმით ულოცავს ბელგია მეგობარ ქვეყნებს ეროვნულ დღესასწაულს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან