ესტონეთის რესპუბლიკაში საქართველოს საელჩოს ორგანიზებით, საქართველოს დამოუკიდებლობის აღდგენის 25 წლისთავისადმი მიძღვნილი საზეიმო მიღება გაიმართა.

საგარეო საქმეთა სამინისტროს ინფორმაციით, მიღებას ესტონეთის რესპუბლიკის საკანონმდებლო და აღმასრულებელი ხელისუფლების, ესტონეთის სხვა ქალაქებისა და რეგიონების, კერძო სექტორის, კულტურისა და აკადემიური წრეების, არასამთავრობო ორგანიზაციების, ესტონეთში აკრედიტებული დიპლომატიური კორპუსის, ქართული დიასპორისა და ადგილობრივი მედიის წარმომადგენლები ესწრებოდნენ.

საქართველოს დამოუკიდებლობის დღის აღსანიშნავ მიღებაზე დამსწრე საზოგადოებას მისასალმებელი სიტყვით მიმართა საქართველოს საგანგებო და სრულუფლებიანმა ელჩმა ესტონეთის რესპუბლიკაში თეა ახვლედიანმა. მან საქართველოს დამოუკიდებლობის გამოცხადებისა და მისი აღდგენის მნიშვნელობაზე, არსებული გამოწვევებსა და მიღწევებზე ისაუბრა.

სადღესასწაულო დარბაზში გაიმართა ფოტო-გამოფენა, რომელიც მიეძღვნა საქართველოს პირველი დემოკრატიული რესპუბლიკის, 1991 წლის რეფერენდუმისა და დამოუკიდებლობის აღდგენის თემატიკას. (გამოფენა გაიმართა საქართველოს საგარეო საქმეთა სამინისტროს მხარდაჭერით და ორგანიზებულ იქნა საქართველოს პარლამენტთან, საქართველოს ეროვნულ არქივთან და ხელნაწერთა ეროვნულ ცენტრთან თანამშრომლობით).

მიღებაზე ანსამბლმა „ქართულმა ხმებმა" შეასრულეს საქართველოსა და ესტონეთის ეროვნული ჰიმნები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები