2016-05-24 21:45:11, 928 ნახვა

---

კორცხელის ინციდენტში მონაწილე სპორტსმენების მხარდამჭერები: დაიბარეთ ბოკერია და მელია და მათ აგებინეთ პასუხი

"დაიბარეთ ბოკერია და მელია და მათ აგებინეთ პასუხი" - ამის შესახებ კორცხელის ინციდენტში მონაწილე სპორტსმენების მხარდამჭერებმა განაცხადეს, რომლებიც ამ წუთებში შსს-ს შენობასთა იკრიბებიან.

ისინი აცხადებენ, რომ სამინისტროსთან სპორტსმენების მხარდასაჭერად მივიდნენ. მათი თქმით, სპორტსმენებს კორცხელში დანაშაული არ ჩაუდენიათ და მათ შეურაცხყოფა ვერ აიტანეს. ისინი აქვე გიგა ბოკერიას და ნიკა მელიას დაბარებას ითხოვენ.

„ვითხოვთ დღესვე გამოუშვან სპორტსმენები! არ გაბედონ მათი დაკავება! დაიბარეთ ბოკერია და მელია და მათ აგებინეთ პასუხი“, - აცხადებენ შინაგან საქმეთა სამინისტროსთან შეკრებილი მოქალაქეები.

ცნობისთვის, შს მინისტრის დღევანდელი განცხადების შემდეგ სპორტსმენებმა გადაწყვიტეს თავისი ნებით მივიდნენ შსს-ში და ჩვენება მისცენ. სპორტსმენები აცხადებენ, რომ დასამალი არაფერი აქვთ. 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი