ევროპასთან ინტეგრაციის კომიტეტის სხდომაზე, რომელზეც  ევროპულ და ევროატლანტიკურ სტრუქტურებში ინტეგრაციის საკითხებში სახელწმიფო მინისტრ დავით ბაქრაძეს მოუსმინეს, მხოლოდ 4 დეპუტატი იმყოფებოდა.

მიუხედავად იმისა, რომ კვორუმი არ შედგა, მინისტრმა დღის წესრიგით გათვალისწინებულ საკითხებზე მაინც ისაუბრა.  დავით ბაქრაძემ დეპუტატებს ერთის მხრივ, საქართველოსა და მეორეს მხრივ, ევროკავშირს და ევროპის ატომური ენერგიის გაერთიანებას და მათ წევრ სახელმწიფოებს შორის ასოცირების შესახებ შეთანხმებისა და საქართველოსა და ევროკავშირს შორის ასოცირების დღის წესრიგის განხორციელების 2016 წლის ეროვნული სამოქმედო გეგმის შესრულების სამი თვის ანგარიში გააცნო.

ანგარიშის მოსმენამდე, სხდომის დაწყებისას, ევროინტეგრაციის კომიტეტის თავმჯდომარე ლევან ბერძენიშვილმა განაცხადა, რომ სასურველი იყო, კომიტეტს მეტი დეპუტატი დასწრებოდა. მანვე მინისტრს მადლობა გადაუხადა, რათა  დეპუტატების მცირე რაოდენობის გამო,  ანგარიშის წარდგენაზე უარი არ თქვა.

"ანგარიშის მოსმენაა და სასურველი იყო და სასურველია, რომ შემოგვიერთდეს ხალხი, იდეალურ შემთხვევაში კვორუმიც კი იყო კარგი, მაგრამ კვორუმის გარეშეც შეგვიძლია  ჩვენს მინისტრთან საუბარი  და მადლობა მინდა ვუთხრა მას, რომ არ გაგვიბრაზდა და არ დაკრა ფეხი და არ თქვა, რომ ასეთ პარლამენტში ჩემი ფეხი არ იქნება",-აღნიშნა ლევან ბერძენიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დასაქმებულთა რაოდენობის კლება დიდწილად სოცდასაქმების პროგრამის გაჩერებას უკავშირდება - G&T

თბილისში ტრამპ თაუერის აშენება ივანიშვილის შვილის ნაწილობრივ საკუთრებაში არსებულ მიწაზე იგეგმება

დამოუკიდებლობა შენი გადაწყვეტილებაა -თიბისი - 33 წელი დამოუკიდებელ საქართველოსთან ერთად

ინტენსიურმა წვიმამ დედაქალაქის სხვადასხვა რაიონში გარკვეული პრობლემები შექმნა