დაკავებული ლგბტ აქტივისტების სასამართლო პროცესი გადაიდო

2016-05-17 18:45:59, 1029 ნახვა

სამართალი

საპატრიარქოსთან დაკავებული ლგბტ აქტივისტების სასამართლო პროცესი ადვოკატების შუამდგომლობის საფუძველზე გადაიდო. მათ უშუალოდ შემთხვევის ადგილზე მყოფი 14 პოლიციელის დაკითხვა მოითხოვეს.

დაკავებული 6 პირის პროცესი 20 მაისს, ხოლო ერთის - 28 მაისს გაიმართება.

ლგბტ აქტივისტების მეგობრების თქმით, დაკავებულებს არც შენობა, არც ფასადი და არც კულტურული მემკვიდრეობის ძეგლი არ დაუზიანებიათ და უკანონოდ აიყვანეს.

შეგახსენებთ, ლგბტ აქტივისტები სამართალდამცველებმა ღამით დააკავეს, როდესაც საპატრიარქოს მიმდებარე ტერიტორიასა და პუშკინის სკვერში საღებავებით ჰომოფობიის საწინააღმდეგო ლოზუნგებს წერდნენ. თავდაპირველად პოლიციაში 10 პირი გადაიყვანეს, მათგან სამი დილით გაათავისუფლეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან