სასჯელაღსრულებისა და პრობაციის სამინისტროს N3 პენიტენციურ დაწესებულებაში ბრალდებულებს/მსჯავრდებულებს პროფილაქტიკური სამედიცინო გამოკვლევები ჩაუტარდათ.

სამინისტროს ინფორმაციით, სხვადასხვა პროფილის ექიმ-სპეციალისტთა მიერ 88 ბრალდებულს/მსჯავრდებულს გაეწია 189 კონსულტაცია, ჩატარდა დიაგონისტიკური კვლევები (ელექტროკარდიოგრაფიული, რენტგენოლოგიური, ულტრასონოგრაფიული).

N3 პენიტენციურ დაწესებულებაში ხელმისაწვდომია პენიტენციური ჯანდაცვის სტანდარტით გათვალისწინებული სამედიცინო მომსახურება და 300-ზე მეტი სხვადასხვა დასახელების მედიკამენტი დაწესებულების აფთიაქში.

ბრალდებულთა/მსჯავრდებულთა გამოკვლევების ორგანიზებას სამინისტროს კონტრაქტორ სხვადასხვა პროფილის ექიმ-სპეციალისტების ჩართულობით სამედიცინო დეპარტამენტი უზრუნველყოფს. მსჯავრდებულთა/ბრალდებულთა სამედიცინო პროფილაქტიკური გამოკვლევები უკვე ჩატარდა N3, N5, N8, N15 და N17 პენიტენციურ დაწესებულებებში. წლის ბოლომდე აღნიშნული ღონისძიება ყველა პენიტენციურ დაწესებულებას მოიცავს. გამოკვლევები სასჯელაღსრულებისა და პრობაციის სამინისტროს და ევროპის საბჭოს შორის გაფორმებული საგრანტო ხელშეკრულების ფარგლებში მიღებული სამედიცინო აპარატურით ტარდება. აღნიშნული აპარატურით დაწესებულებების ნაწილი უკვე აღჭურვილია, ნაწილი კი, ეტაპობრივად აღიჭურვება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები