აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს უკრაინის ქალაქ ტერნოპოლის 5 კაციანი დელეგაცია ეწვია.

სამინისტროს ცნობით, დელეგაციის შემადგენლობა დაკომპლექტებულია ტერნოპოლის საქალაქო საბჭოს და სამედიცინო დაწესებულებების წარმომადგენლებით (ოლგა იარმოლენკო-ტერნოპოლის საქალაქო საჭოს სამედიცინო უზრუნველყოფისა და ჯანდაცვის განყოფილების უფროსის მოადგილე, ვიქტორ კმიტა-ტერნოპოლის საქალაქო კლინიკური საავადმყოფოს მთავარი ექიმი, პიოტრ ლევიცკი-ქალაქ ტერნოპოლის სამკურნალო-დიაგნოსტიკური ცენტრის მთავარი ექიმი, ოლეგ დანილიუკი-ტერნოპოლის საქალაქო კლინიკური საავადმყოფოს გინეკოლოგიური განყოფილების უფროსი, იგორ გუმენი-ტერნოპილის საუნივერსიტეტო საავადმყოფოს თორაკალური ქირურგი).

ვიზიტის ფარგლებში, აჭარის ავტონომიური რესპუბლიკის ჯანმრთელობისა და სოციალური დაცვის სამინისტროსა და ტერნოპოლის საქალაქო საბჭოს ჯანდაცვისა და სამედიცინო უზრუნველყოფის განყოფილებას შორის თანამშრომლობის მემორანდუმი გაფორმდა.

თანამშრომლობის მიზანია, მხარეებს შორის პროფესიული, სამეცნიერო და კულტურული ურთიერთობების განვითარება. კერძოდ: პროფესიული და ორგანიზაციული გამოცდილების გაცვლა სამკურნალო-პროფილაქტიკურ დაწესებულებებს შორის, ერთობლივი სამეცნიერო-სასწავლო და ორგანიზაციულ-მეთოდური ღონისძიებების (კონფერენციები, სემინარები) ჩატარება, საგანმანათლებლო-სამეცნიერო ინციატივების ორგანიზება, მედიცინის მუშაკთა ერთობლივი სპორტული და კულტურული შეხვედრების მოწყობა, პირდაპირი კონტაქტების განვითარება ქ. ტერნოპოლისა და აჭარის ავტონომიური რესპუბლიკის სამედიცინო დაწესებულებებს შორის.

დელეგაციის წევრები აჭარაში 17 მაისამდე დარჩებიან და რეგიონის ჯანდაცვის სიტემას და სამედიცინო დაწესებულებების საქმიანობას გაეცნობიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა