მისი განცხადებები უბრალოდ ადამიანურად არასწორია, მაგრამ ასე თქვა და რა ვქნათ. ეს მის ნამუსზე იყოს, - ასე გამოეხმაურა დეპუტატი ლევან ბერძენიშვილი პრეზიდენტის იმ განცხადებას, სადაც მარგველაშვილი პრეზიდენტის ინსტიტუტის დისკრეტიდაციის საკითხზე საუბრობდა.

ბერძენიშვილის თქმით, პრეზიდენტის ინსტიტუტს სწორედ „რესპუბლიკური პარტია“ იცავდა.

“პრეზიდენტის განცხადებას “რესპუბლიკელებთან” დაკავშირებით უაღრესად არაკორექტულს ვუწოდებ, რადგან პრეზიდენტის ინსტიტუტს იცავდა “რესპუბილკური პარტია”. თუ ვინმე პრეზიდენტის გვერდით იდგა და ცდილობდა, რომ იგი არ გარიყულიყო ქართული პოლიტიკიდან, ეს დავით უსუფაშვილი იყო. მისი განცხადებები უბრალოდ ადამიანურად არასწორია, მაგრამ ასე თქვა და რა ვქნათ. ეს მის ნამუსზე იყოს”, - განაცხადა ლევან ბერძენიშვილმა.

შეგახსენებთ, რომ გიორგი მარგველაშვილმა გუშინ განაცხადა, რომ ერთადერთი ფიგურა, რომელსაც სახე არ შეუცვლია არც მინისტრობის და არც პრემიერ-მინისტრობის დროს არის გიორგი კვირიკაშვილი.

„ეს არის ის გუნდი, რომელიც ვერ ხედავდა ჩემს ადგილს საქართველოს პარლამენტში. ეს არის ის გუნდი, რომელიც უნისონში,  სწორედ ამ პოლიტიკური ძალების წარმომადგენლები, ბატონი "ქართული ოცნების" დეპუტატი და ბატონი  „რესპუბლიკური პარტიის“ დეპუტატი, ერთად ქმნიდნენ იმ კანონპროექტს და გმობდნენ პრეზიდენტის ვეტოს ეროვნულ ბანკთან მიმართებაში, რომელიც შემდგომ საკონსტიტუციო სასამართლომ გააჩერა. ეს არის პოლიტიკური გუნდი, რომელიც უნისონში ახერხებდა იმას, რომ პრეზიდენტს შესაბამისი კორესპონდენცია არ მიეღო უცხოეთიდან. ნაკლებად ვერთვები ან ყურადღებას ვაქცევ ამ პროცესს. შემიძლია ვთქვა, რომ მთელ ამ 2-წლიან პროცესში პოლიტიკური ფიგურა, რომელთანაც მე შევძელი ურთიერთობა, რომელთანაც მანამდეც შესაძლებელი იყო კონსტრუქციული დიალოგი, დღესაც შესაძლებელია და იმედია, მომავალშიც ასე იქნება, არის გიორგი კვირიკაშვილი.  შესაბამისად,  ახლა დანარჩენ ფიგურანტებზე ნაკლებად მინდა ვისმჯელო, ამ პროცესს აქვს თავის ისტორია“, - განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები