კომპანია IPM-ის მიერ აღსრულების ეროვნული ბიუროს საქმიანობის შესახებ ჩატარებული კვლევის შედეგებიდან ირკვევა, რომ გამოკითხულთა 64 პროცენტის აზრით, ბიუროს სერვისები მეტად ხელმისაწვდომი, ხოლო საქმისწარმოება უფრო  გამჭვირვალე გახდა.

კრედიტორები და მოვალეები, რომელთაც ადრე შეხება ჰქონიათ აღსრულების ეროვნულ ბიუროსთან, თვლიან, რომ მომსახურების მხრივ ბოლო წლების განმავლობაში სიტუაცია დადებითად შეიცვალა, მათ შორის დასახელდა მომსახურების პროცედურების გამარტივება, მოქალაქეებთან ურთიერთობის დახვეწა და პროცედურების გამჭვირვალობა. ამის ერთ-ერთ მიზეზად, შესაძლოა, დასახელდეს, რომ მხარეებს 2014 წლიდან აქვთ შესაძლებლობა სააღსრულებო წარმოების ელექტრონულ პროგრამაში თავად ადევნონ თვალყური საკუთარი საქმეების მსვლელობას.

ასევე, დაიხვეწა და უფრო აქტიური გახდა გამარტივებული საქმისწარმოების სამსახური. სერვისის ეფექტურობისა და ხელმისაწვდომობის გამო, მისი გამოყენება 2013 წლის შემდეგ თითქმის გასამმაგდა.

აღსრულების ეროვნული ბიუროს საქმიანობისა და უწყების მიმართ მოქალაქეების განწყობის შესახებ მასშტაბური კვლევა შვედეთის საერთაშორისო განვითარების სააგენტოს დაფინანსებით კომპანია IPM-მა ჩაატარა. კვლევის შედეგად მოხდა მომხმარებლის კმაყოფილების ინდექსის განსაზღვრა. ასევე, სამიზნე ჯგუფებში გამოიკითხა ბიუროს სერვისების ხელმისაწვდომობის, პროცედურების გამჭვირვალობის, მომხმარებლის მიმართ დამოკიდებულების, უპირატესობებისა და ნაკლოვანებების, პროფესიული უნარების განვითარების მაჩვენებლის შესახებ.

კვლევაში მონაწილეობა შემთხვევითი შერჩევის პრინციპით მთელი საქართველოს მასშტაბით  160-მა კრედიტორმა, 221-მა მოვალემ, 122-მა აღმასრულებელმა და 1050-მა ზოგადად მოქალაქემ მიიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები