სჯობს, რომ ბატონი დავითი და ზოგადად ხელისუფლება საქმის კეთებით დაკავდეს და არა იმით თუ ვინ რის ჩაწერას თუ მიწერას ცდილობს, - ასე გამოეხმაურა საპარლამენტო უმცირესობის ერთ-ერთი ლიდერი გია ბარამიძე დავით უსუფაშვილის მიერ, ბრიუსელში გუშინ გაკეთებულ განცხადებას.

როგორც ბარამიძემ „ექსპრესნიუსს“ განუცხადა, საზოგადოებამ ძალიან კარგად იცის ვის რა წვლილი აქვს შეტანილი ვიზალიბერალიზაციის პროცესში.

„სჯობს, რომ ბატონი დავითი და ზოგადად ხელისუფლება საქმის კეთებით დაკავდეს და არა იმით თუ ვინ რის ჩაწერას თუ მიწერას ცდილობს. ვის რა წვლილი აქვს შეტანილი ვიზალიბერალიზაციის პროცესში ეს ჩვენმა საზოგადოებამ კარგად იცის. სჯობს საქმეს მიხედონ“, - განუცხადა „ექსპრესნიუსს“ გია ბარამიძემ.

ცნობისთვის, პარლამენტის თავმჯდომარემ დავით უსუფაშვილმა გუშინ ბრიუსელში განაცხადა, რომ ვიზალიბერალიზაციის პროცესში „სამი მცირე“ პრობლემა არსებობს რომელსაც გათვალისწინება სჭირდება. მისი თქმით, ეს პრობლემებია: გეოპოლიტიკური ვითარება, „ნაციონალური მოძრაობის“ ერთი ჯგუფის ვიწრო პოლიტიკური ინტერესები, რომ ვიზალიბერალიზაცია „ნაცმოძრაობის“ ვიწრო პოლიტიკურ ინტერესებს მიებას. უსუფაშვილი მესამე პრობლემად ასახელებს იმას, რომ „ოცნების“ შიგნით არიან არც თუ ნორჩი „ლენინელები“ და „სტალინელები“.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები