ვალეში მოსახლეობამ ცენტრალური მაგისტრალი გადაკეტა

2016-04-26 13:48:35, 534 ნახვა

საზოგადოება

ქალაქ ვალეში, ე.წ. მეორე შახტის დასახლებაში მცხოვრებმა მოსახლეობამ დღეს საპროტესტო აქცია გამართა.

აქციის მონაწილეებმა რამდენიმე საათით ცენტრალური მაგისტრალი გადაკეტეს.

მოსახლეობა ხელისუფლებას საავტომობილო გზის დაუყოვნებლივ შეკეთებას სთხოვს.

აქციის მონაწილეების თქმით, დასახლებაში ერთდროულად რამდენიმე ქარხანა მუშაობს და იქედან წამოსული დატვირთული ავტომობილებისაგან გზაზე ძლიერი მტვერი დგება, რაც მათ ჯანმრთელობაზე უარყოფითად ისახება.

როგორც ადგილობრივ თვითმართველობაში განაცხადეს, მუშავდება პროექტი და აღნიშნულ დასახლებაში საავტომობილო გზას უახლოეს მომავალში შეაკეთებენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან