ამ ეტაპზე ნატოს გაფართოვების შანსი არ არსებობს, - ამის შესახებ განცხადება აშშ-ის ელჩმა ნატოში დუგლას ლუტემ გააკეთა.

ელჩი ამას იმით ხსნის, რომ ჩრდილო-ატლანტიკური ალიანსის გაფართოვებამ, შესაძლია რუსეთის დესტაბილიზაცია გამოიწვიოს.

"პრაქტიკული თვალსაზრისით, მე ვერ ვხედავ შესაძლებლობას ნატო-ს შემდგომი გაფართოებისთვის ვერც უახლოეს მომავალში, ვერც უახლოეს რამდენიმე წელიწადში, ან შესაძლოა, უფრო მეტხანსაც კი“, - განაცხადა მან.

ელჩის განცხადებით, მსოფლიოს სტრატეგიული ვითარება ამ ეტაპზე არ იძლევა ნატოს გაფართოვების საშუალებას.

"ჩემი აზრით რუსეთი თამაშობს მნიშვნელოვან როლს მსოფლიოს სტრატეგიულ გარემოში, სტრატეგიული გარემო კი, ხელს უშლის ნატოს გაფართოვებას", - აცხადებს ლუტე.

მისივე თქმით, გასული წლის დეკემბერში, ნატო-მ თავის რიგებში მიიწვია მონტენეგრო, რამაც ოფიციალური მოსკოვის რისხვა გამოიწვია, რადგან ის ეწინააღმდეგება ნატოს ნებისმიერ გაფართოვებას.

ელჩის თქმით, ჩრდილო-ატლანტიკური ალიანსის კარები კვლავ ღია რჩება ახალი წევრებისთვის, მაგრამ მათ მისაღებად ნატო-ს 28-ვე წევრი ქვეყნის თანხმობაა საჭირო, რაც ამ ეტაპზე მოსალოდნელი არ არის.

"არ არსებობს არანაირი გზა, რომ ჩვენ უახლოეს მომავალში მივაღწიოთ კონსენსუსს საქართველოს ან უკრაინის მიღების საკითხზე“, - განაცხადა დუგლას ლუტემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები