ხურჩაში დაკავებული პირები უკვე გათავისუფლდნენ, - ამის შესახებ ინფორმაცია „ექსპრესნიუსს“ სახელმწიფო უსაფრთხოების სამსახურში დაუდასტურეს.

როგორც სუს-ის საზოგადოებასთან ურთიერთობის სამსახურში გვითხრეს, 12 პირი ხურჩაში გუშინ საღამოს დააკავეს. დღეს დილით კი ისინი უკვე გათავისუფლეს.

„გიდასტურებთ, რომ ხურჩაში დაკავებულები უკვე გათავისუფლებულები არიან. დაკავების მიზეზებს ამ ეტაპზე ვერ გეტყვით. ეს ინფორმაცია ჩვენამდე ცხელი ხაზის მეშვეობით მოვიდა, შესაბამისად დაკავებულები დღეს დილას გათავისუფლდნენ“, - განუცხადეს „ექსპრესნიუსს“ უწყების საზოგადოებასთან ურთიერთობის  სამსახურში.

ცნობისთვის, 12 პირი რუსმა ოკუპანტებმა ე.წ. ადმინისტრაციულ საზღვართან მდებარე სოფელში გუშინ დააკავეს. დაკავებულებს შორის იყვნენ არასრულწლოვნებიც.

გავრცელებული ინფორმაციით, მათი დაკავება მაშინ მოხდა, როდესაც მოქალაქეები ოკუპირებულ ტერიტორიაზე შემოვლითი გზებით ცდილობდნენ გადასვლას. ისინი გალის ე.წ. იზოლატორში ჰყავდათ გადაყვანილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები