კვირიკაშვილი: მსუბუქი ნარკოტიკის მოხმარებისთვის ადამიანები ციხეში არ უნდა ჩავსვათ

2016-04-15 22:54:23, 670 ნახვა

საზოგადოება

"მსუბუქი ნარკოტიკის მოხმარებისთვის ადამიანები ციხეში არ უნდა ჩავსვათ" - ასე უპასუხა პრემიერმა ჟურნალისტებთან გამართულ შეხვედრაზე, ერთ-ერთი ჟურნალისტის მიერ დასმულ შეკითხვას მსუბუქი ნარკოტიკების დეკრიმინალიცაზიასთან დაკავშირებით.

პრემიერის თქმით, ის წინააღმდეგია მსუბუქი ნარკოტიკის ლეგალიზაციის და ფიქრობს, რომ არ უნდა მოხდეს მისი წახალისება. თუმცა მიაჩნია, რომ მოხმარების გამო ადამიანებს არ უნდა იჭერდნენ.

"ჩემი აზრი გახლავთ ასეთი, რომ ჩვენ არავითარ შემთხვევაში არ უნდა წავახალისოთ, თუნდაც მსუბუქი ნარკოტიკის მოხმარება. რაც შეეხება იმას, რომ ახალგაზრდა, რომელმაც მსუბუქი ნარკოტიკი მოიხმარა, დავაპატიმროთ, მე ვფიქრობ რომ ეს არასწორი გადაწყვეტილებაა. მე არ მიმაჩნია რომ ჩვენ ლეგალიზაცია უნდა გავაკეთოთ, რაც შეეხება დეკრიმინალიზაციას, მსუბუქი ნარკოტიკის მოხმარებისთვის ადამიანები ციხეში არ უნდა ჩავსვათ " - განაცხადა პრემიერმა.