ოკუპირებული ტერიტორიების მოსაზღვრედ მდებარე სოფელ კირბალის განაპირას შეიარაღებულმა ფორმირებებმა 43 წლის ეროსი თაყაძე დააკავეს.

თაყაძის დაკავება მაშინ მოხდა, როდესაც იგი სოფლის განაპირას მსხილფეხა პირუტყვს მწყემსავდა.

კირბალი ოკუპირებული ტერიტორიის მოსაზღვრე სოფელია. ამ დროისათვის არსებული ინფორმაციით, დაკავებული საზღვრის უკანონო გადაკვეთის ბრალდებით, ცხინვალის მილიციის წინასწარი პატიმრობის იზოლატორშია გადაყვანილი.

დაკავებულის დედის განცხადებით, ეროს თაყაძეს პირობითი საზღვარი არ გადაუკვეთავს და გატაცების მომენტისთვის, იგი ქართული მხარის კონტროლირებად ტერიტორიაზე იმყოფებოდა.  მისივე თქმით,  ეროს თაყაძე უკვე მეორედ იმყოფება პატიმრობაში ანალოგიური ბრალდებით. 2012 წელს მან ცხივნალის მოლიციის წინასწარი პატიმრობის იზოლატორიდან  10-დღიანი შემდეგ გაათავისუფლეს.

როგორც „ექსპრესნიუსს“ გორის მუნიციპალიტეტის გამგეობიდან აცნობეს, გამგებელი დავით ონიაშვილი გატაცებული ეროს თაყაძის ოჯახში იმყოფებოდა. ონიაშვილი დაკავებულის დედას ესაუბრა და დაპირდა, რომ მისი შვილის უმოკლეს დროში გასათავისუფლებლად სახელმწიფო უწყებები ყველა არსებულ ბერკეტს გამოიყენებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პსპ ფარმა თბილისის მუნიციპალიტეტის ბენეფიციარებს მედიკამენტებს კვირის ნებისმიერ დღეს ფასდაკლების დღეების ფასად მიაწვდის

18 ევროპარლამენტარი EU-ს მიმართავს, შეაფასონ იმედის საქმიანობა, განსაზღვრონ შესაძლო ზომები

დრონებმა რუსეთის ერთ-ერთ უდიდეს ნავთობგადამამუშავებელი ქარხანა დაბომბეს

პაპუაშვილი ფიშერზე: მისთვის დამახასიათებელი იქედნური ტონით ისაუბრა დიფ სთეითზე, დაგვცინის