სასჯელაღსრულებისა და პრობაციის მინისტრი კახა კახიშვილი საქართველოში     გაეროს ბავშვთა ფონდის ( UNICEF) წარმომადგენელს  საშა გრაუმანს შეხვდა.

სასჯელაღსრულებისა და პრობაციის სამინისტროს ინფორმაციით, შეხვედრაზე კახა კახიშვილმა საშა გრაუმანს არასრულწლოვანთა მართლმსაჯულების სისტემაში გატარებული რეფორმებზე, არასრულწლოვანი მსჯავრდებულების/ბრალდებულების რეაბილიტაცია-რესოზიალიზაციის კუთხით არსებულ პროგრამებზე მიაწოდა ინფორმაცია. მისი თქმით, 2012 წლის შემდეგ არასრულწლოვან მსჯავრდებულთა რაოდენობა მკვეთრად შემცირდა; ასევე, დაინერგა არასაპატიმრო სასჯელის ახალი სახე - შინაპატიმრობა ელექტრონული მონიტორინგის საშუალებით, სასჯელის აღნიშნული სახე უკვე ორ არასაწრულწლოვანს აქვს შეფარდებული.

უწყების ინფორმაციით, შეხვედრაზე ხაზი გაესვა პენიტენციურ დაწესებულებებში მომუშავე სოციალური მუშაკების კვალიფიკაციის ამაღლების მნიშვნელობას. კახა კახიშვილი იმედოვნებს, რომ ამ საკითხში UNICEF-ი უწყებას მხარდაჭერას აღმოუჩენს. მან ახალი დაწესებულების მშენებლობაზეც ისაუბრა, რომელშიც 14-დან 21 წლამდე მსჯავრდებულები განთავსდებიან.

მინისტრის თქმით, არასრულწლოვანთა მართლმსაჯულების სისტემის გაუმჯობესების და საერთაშორისო სტანდარტებთან დაახლოების პროცესში UNICEF-თან და სხვა საერთაშორისო ორგანიზაციებთან თანამშრომლობას განსაკუთრებული მნიშვნელობა ენიჭება.

„დღევანდელ შეხვედრაზე არასრულწლოვან ბრალდებულთა/მსჯავრდებულთა უფლებრივი მდგომარეობის გაუმჯობესებაზე, ასევე, პრობაციის ეროვნული სააგენტოს ზედამხედველობის ქვეშ  მყოფი  არასრულწლოვნების სოციალურ აქტივობებში  ჩართულობასა და  სოციალური მუშაკების კვალიფიკაციის ამაღლებაზე ვისაუბრეთ. ახლო მომავალში, ამ კუთხით პარლამენტში კანონპროექტების ინიცირებას ვგეგმავთ, რომლის განხორციელების შემდეგ სისტემა ევროპულ სტანდარტებს უფრო დაუახლოვდება“, - განაცხადა კახა კახიშვილმა.

 საშა გრაუმანი ახალგაზრდა მსჯავრდებულთა/ბრალდებულთათვის ახალი დაწესებულების მშენებლობის გადაწყვეტილებას პოზიტიურად აფასებს.

გაეროს ბავშვთა ფონდი სასჯელაღსრულებისა და პრობაციის სამინისტროსთან  აქტიურად თანამშრომლობს. ჩვენ მაქსიმალურად ხელს შევუწყობთ უწყებას წარმატებით დანერგოს პრაქტიკაში ყველა ის რეგულაცია, რასაც  არასრულწლოვანთა მართლმსაჯულების კოდექსი ითვალისწინებს“,  - განაცხადა  საშა გრაუმანმა.

სასჯელაღსღულებისა და პრობაციის მინისტრმაUNICEF-ს თანამშრომლობისთვის მადლობა გადაუხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“