|
2016-04-07 16:20:20, 559 ნახვა
საზოგადოება
მედიაციის სახლში „გოგონათა კლუბს“ ლელა გაფრინდაშვილი ესტუმრა
იუსტიციის სამინისტროს მმართველობის სფეროშო მოქმედი სსიპ ,,დანაშაულის პრევენციის ცენტრის’’ მედიაციის სახლში პროექტ - „გოგონათა კლუბის“ წევრებს ფილოსოფოსი ლელა გაფრინდაშვილი შეხვდა. დანაშაულის პრევენციის ცენტრის ინფორმაციით, შეხვედრა მე-19 და მე-20 საუკუნეებში, წარმატებული ქართველი ქალების შესახებ საინტერესო ისტორიებს მიეძღვნა. მათ შესახებ ბიოგრაფიები ჰაინრიხ ბიოლის ფონდმა ერთ გამოცემაში შეკრიბა. ფონდმა აღნიშნული გამოცემა მედიაციის სახლის ბიბლიოთეკას უსახსოვრა. ლელა გაფრინდაშვილი ქალთა უფლებების დამცველია. მას ეკუთვნის მრავალი კვლევა და სტატია ქართულ კულტურაში გენდერული, ქალთა და ფემინისტური პრობლემების ისტორიის შესახებ. იგი ათ წელზე მეტია გენდერისა და კვლევის თემატიკაზე კითხულობს ლექციებს ივანე ჯავახიშვილის სახელობის თბილისის სახელმწიფო უნივერსიტეტში. პროექტი „გოგონათა კლუბი“ მეორე წელია მედიაციის სახლში მიმდინარეობს. მისი მიზანია 14-დან 18 წლამდე გოგონებში ცხოვრებისათვის საჭირო უნარ-ჩვევების განვითარება, რაც მომავალში დაეხმარება მათ ჯანსაღ, ძლიერ პიროვნებებად ჩამოყალიბებაში. პროგრამა მოიცავს ტრენინგებს და ასევე, შეხვედრებს წარმატებულ ქალბატონებთან. იუსტიციის სამინისტროს სსიპ „დანაშაულის პრევენციის ცენტრის“ ბაზაზე არსებულ მედიაციის სახლში მოზარდისადმი კეთილგანწყობილი სივრცეა შექმნილი და ეხმარება ბენეფიციარს თავისუფალი დრო ნაყოფიერად, საინტერესოდ გაატაროს. მედიაციის სახლში იმართება სამიზნე ჯგუფების საჭიროებებზე მორგებული ტრენინგები და საგანმანათლებლო სემინარები.
სამთავრობო იმედის სახემ ნანუკა ხაზარაძემ ტელევიზია დატოვა
ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი
დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება
ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“
|
რედაქტორის რჩევით
რატომ იყენებს სიტყვა „რეჟიმს“ კრიტიკული მედია და როგორ ებრძვის ივანიშვილის ხელისუფლება ტერმინებს
რა მოხდა კოპენჰაგენში რაზეც კობახიძე და სამთავრობო მედია დარდობს
ომი უკრაინაში
რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“
კიევში დაჭრილთა რიცხვი 44 მდე გაიზარდა, დაღუპული წინასწარი ცნობით სამია
ვიდეო/LIVE პატრიარქის ილია მეორის დაკრძალვა - პირდაპირი
რატომ იყენებს სიტყვა „რეჟიმს“ კრიტიკული მედია და როგორ ებრძვის ივანიშვილის ხელისუფლება ტერმინებს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)