თოფაძე: დეპუტატობის კანდიდატი ხალხს ჰპირდება ბევრს, მაგრამ, პარლამენტში რომ მოხვდება, მათ ივიწყებს

2016-04-06 22:30:20, 362 ნახვა

პოლიტიკა

"დეპუტატობის კანდიდატი ხალხს ჰპირდება ბევრს, მაგრამ, პარლამენტში რომ მოხვდება, მათ ივიწყებს" - ამის შესახებ "მრეწველების" ლიდერმა, გოგი თოფაძემ "საქართველო და მსოფლიოსთან" ინტერვიუში განაცხადა.

თოფაძის თქმით, ისინი შეიმუშავებენ კანონს, რომლის მიხედვითაც დეპუტატი, რომელიც არაფერს აკეთებს და არის "უღირსი", ამომრჩეველი შეძლებს მის [დეპუტატის] პარლამენტიდან გამოწვევას.

"ამომრჩეველი ხშირად იჩაგრება. დეპუტატობის კანდიდატი ჰპირდება ბევრს, მაგრამ, პარლამენტში რომ მოხვდება, ამომრჩეველს ივიწყებს. ამომრჩეველს კი არანაირი ბერკეტი არ აქვს, დეპუტატი აიძულოს, დაპირებები შეასრულოს, ამიტომ ვფიქრობთ, შევიმუშაოთ კანონი, რომლის ძალით ამომრჩევლები შეძლებენ, გამოიწვიონ პარლამენტიდან უღირსი მაჟორიტარი დეპუტატი, რომელიც არაფერს აკეთებს, მაგრამ დიდ ჯამაგირს იღებს." - განაცხადა თოფაძემ.